Presentación da LGT 2012

Este sábado, 8 de Xuño, celebrouse en Sanxenxo a presentación da LGT para este ano 2012. O acto organizado polo Club de Remo Amegrove e o Concello de Sanxenxo realizouse na Praza do Mar da vila aínda que este veuse moi deslucido pola continua choiva que caeu durante toda a tarde de forma case ininterrompida.

Moitas das traíñas que tiñan planificado entrear en Sanxenxo cambiaron de idea ante o complicado estado do mar e so unhas poucas se atreveron a mollar as embarcacións.
O acto comezou as 20.00 horas coa actuación da escola de baile Cantodorxo o que seguiu o monologuista “Manolo o do Atleti” para dar paso a presentación da liga. O acto foi presentado por Terio Carrera e nel participaron a alcaldesa de Sanxenxo Catalina González, o Presidente da LGT Diego Portela e o Secretario Xeral para o Deporte José Ramón Lete Lasa entre outros.

A principal novidade da liga de este ano e a división da competición en dúas ligas, na que o Club do Mar de Mugardos despois de clasificarse na regata clasificatoria do pasado 6 de Abril remará na liga A.

 

La Voz de Galicia “La Liga alza el telón en Sanxenxo” [09/06/2012]

 

Acto de presentación da nova traíña do Club do Mar

O Club do Mar de Mugardos presentará publicamente a nova traíña da sociedade, de nome Bestarruza, nun acto que terá lugar este venres (25 de Maio) as 18.00 horas diante do local social do club e o que están convidados tódolos socios e seareiros do club.

O programa do acto será o seguinte:

  • Recepción de autoridades e convidados entre os que se atoparán persoeiros de institucións públicas e privadas relacionadas co deporte e o mundo empresarial, tanto a nivel autonómico como local e comarcal. 
  • Presentación do acto ó longo do cal intervirán algúns dos persoeiros así como o Presidente da sociedade, e no que se presentará a recén adquirida traíña, patrocinada pola empresa Reganosa, que será bautizada en presenza da madriña da embarcación, a socia María Fariña Vázquez.
  • Entrega dun recordo ás empresas colaboradoras co Club do Mar na pasada tempada, así como unha distinción especial á empresa  Reganosa polo patrocinio da traíña na pasada edición da Liga Galega de Traíñas, coa entrega ós seus Directivos dunha réplica da bandeira da “ I Bandeira de Traíñas Reganosa”, bordada a man por unha artesá mugardesa.
  • Rematando o acto, e tras unha sesión fotográfica en lembranza do acontecemento, servirase un ágape diante do club e porase fin ó acto.
 

[Actualización 25/05/2012]

 

 

 

Todoremo.com “Mugardos se viste de largo” [25/05/2012]
Diario de Ferrol “El Club del Mar de Mugardos confía en su ‘Bestarruza'” [26/05/2012]

 

Resumo da Regata Clasificatoria da LGT

Os pasados días 5 e 6 de Abril, Xoves e Venres, celebrouse en Meira (Moaña) a clasificatoria para decidir a composición das Ligas que comporán a LGT. A clasificatoria disputouse nun formato a dúas regatas contrarreloxo no que o primeiro día clasificábanse cinco traíñas e no segundo tres para participar na Liga A, competindo as nove traíñas restantes na Liga B.

O primeiro día presentouse con ceos despexados pero cun molesto vento que complicaba a remada das traíñas. Nesta primeira xornada non houbo sorpresas ó clasificarse as cinco embarcacións favoritas (Chapela, Amegrove, Cabo, Meira e Vilaxoán); pero no que a traíña de Mugardos mostraba o seu potencial quedando soamente a 8 segundos e medio de Vilaxoán e rozando o ascenso a Liga A. Mentras o resto de traíñas que optaban a pelexar polos tres postos restantes no seguinte día optaban por unha estratexia máis conservadora reservando forzas para a seguinte proba entrando a máis de 30 segundos da traíña de Mugardos.

O segundo día presentábase cunhas nubes ameazantes con choiva pero cun vento moito máis frouxo que permitirían as traíñas baixar os cronos do día anterior. O pouco prometedor día non disuadiu o abundante público que practicamente repetía o número do soleado día anterior, todos eles expectantes por coñecer como quedarían conformadas as ligas do novo formato da LGT.

 
 
 
 
 

Na segunda contrarreloxo sí que a apareceron as sorpresas e Mugardos, que non pareceu pagar o cansanzo da xornada anterior, volveu marcar o mellor crono cun tempo de 20:07,22 a tan so 3 centésimas da traíña da Cabana que se facía co segundo posto en liza. Ares facíase co último posto para a Liga A ó superar a uns dos favorito, Perillo, por pouco menos de 3 segundos. A traíña de Perillo quedábase as portas da liga boa tras diversos problemas na regata como a lesión dun dos remeiros que non puido rematar a regata e problemas cun dos remos.

Desta forma a traíña do Club do Mar de Mugardos conseguía un posto para a Liga A no seu segundo ano na competición, gracias o esforzo e traballo dos seus remeiros conseguindo un tremendo éxito para o Club.

Tempos da primeira xornada [todoremo.com]
Tempos da segunda xornada [todoremo.com]

El Diario de Ferrol “La Liga Gallega de Traineras tomará forma durante las dos próximas jornadas” [05/04/2012]
ligalgt.com “Mugardos, A Cabana e Ares completan a LGT-A” [06/04/2012]
La Voz de Galicia “Chapela domina la previa de la Liga Gallega de Trainera” [06/04/2012]
El Diario de Ferrol “Mugardos, A Cabana y Ares formarán con los mejores en la Liga Galega ” [08/04/2012]


O presidente do Club do Mar, Guillermo Pereira,
comenta o éxito da traíña do Club para “Galicia en Goles”.
(A entrevista comeza a partir do minuto 6:35).

Actualización [10/04/2012]
La Voz de Galicia “Mugardos estrena trainera y tripulación y da un salto de nivel” [10/04/2012]

Galería 1ª Xornada

Galería 2ª Xornada

Concurso para atopar o nome co que bautizar á nova traíña do Club do Mar

  • Buscamos un nome que sexa apropiado ó deporte do remo, ó mar, a Mugardos, a Galiza,……
    A imaxinación debes poñela ti e facer a túa proposta.
  • Poderá participar calquera persoa, sen límite de idade. Só poderase facer unha proposto por persoa.
  • Prazo e lugar de presentación: Do 19 ó 30 de marzo ambos incluídos; no Club do Mar de Mugardos, ou ben enviando un correo electrónico ó enderezo clubdomarmugardos@hotmail.com nesas datas. É necesario incluír o nome e apelidos do aut@r así como un teléfono de contacto.  ( Os envíos presentados fóra de prazo quedarán automaticamente excluídos do concurso).
  • Premio: Un equipo reprodutor de DVD portátil con pantalla xiratoria.
  • No caso que resulte gañadora unha proposta con varios autores, sortearase o premio entre todos eles.
  • Membros do xurado e fallo dos concursos: O xurado estará composto polo Presidente do Club do Mar, dous Directivos da Sociedade, o adestrador da traíña e un remeiro.
  • O gañador do concurso darase a coñecer publicamente o  31 de marzo e recibirá o seu premio nun evento celebrado posteriormente no que se presentará oficialmente a traíña e a tripulación da mesma.
  • A participación no concurso implica a aceptación das presentes bases.

Resultado e fotos do “VII Memorial D. Francisco Alonso Loureiro”

Resultado do “VII Memorial D. Francisco Alonso Loureiro” contrarreloxo de traiñeiras organizado en Chapela polo Club de Remo Chapela.

Club
1ª Virada
Tempo Final
Tirán A
8,14
16,55.23
Chapela A
8,10
16,57.02
Meira A
8,12
17,07.33
Amegrove A
8,23
17,14.00
Cabo da Cruz
8,24
17,17.05
Chapela B
8,19
17,22.45
Tirán B
8,24
17,25.93
Vilaxoán
8,27
17,28.81
Meira B
8,32
17,56.86
Morrazo
8,43
17,59.30
C.M. Mugardos
8,46
18,21.36
Cesantes
9,20
19,18.86
Bueu (Veteranos)
9,49
20,35.58
 
 
 
 

“Tirán ‘A’ vence en el Memorial ‘Paco Fenosa’, Chapela llegó a casi dos segundos” Brizuelasports.com [04/03/2012]

Resultados da IX Contrarreloxo de Cabo

Hoxe, domingo 5 de Febreiro disputouse en Cabo da Cruz a “IX Contrarreloxo de Traiñeiras de Cabo – ¡Yo remo por Paula!”  en apoio a nena boirense que naceu sen sacro. Na contrarreloxo participaron un total de 29 traiñeiras, número difícil de ver en augas galegas, e entre elas a embarcación do Club do Mar.

Ante a proximidade as regatas de promoción de cara o novo sistema de dúas ligas, que se disputarán en Abril, xa se puido apreciar uns mellores tempos e bogas máis rápidas do que ven sendo normal a estas alturas da tempada, quedando os tempos da seguinte forma:

Senior Masc.
Posto
Club
Tempo
1
S.D. TIRÁN
19:41:05
2
C.R. CHAPELA
19:57:79
3
S.D. SAMERTOLAMEU
20:00:96
4
S.D. TIRÁN “B”
20:02:66
5
C.R. CHAPELA “B”
20:08:51
6
C.R. CABO DA CRUZ
20:10:02
7
AMEGROVE C.R.
20:14:45
8
C.R. VILAXOÁN
20:19:97
9
S.D. SAMERTOLAMEU “B”
20:23:09
10
C.R. CABO DA CRUZ “B”
20:24:45
11
C.R. A CABANA
20:31:41
12
AMEGROVE C.R. “B”
20:31:48
13
C.M. MUGARDOS
20:34:26
14
C.R. PERILLO
20:35:31
15
C.R. RIANXO
20:47:62
16
S.D.R. MORRAZO
20:51:20
17
C.R. ARES
20:56:49
18
C.R. ROBALEIRA
21:00:26
19
C.R. PUEBLA “B”
21:14:88
20
A.D. ESTEIRANA
21:15:26
21
C.R. CORUXO
22:14:87
22
C.R. PUEBLA
22:16:10
23
C.R. CESANTES
22:18:02
Senior Fem.
Posto
Club
Tempo
1
C.R. VILAXOÁN
22:58:82
2
C.R. RIANXO
23:06:27
3
C.R. CABO DA CRUZ
24:02:34
4
S.D.R. MORRAZO
24:10:55
Veteranos Masc.
Posto
Club
Tempo
1
S.D. TIRÁN
22:09:54
2
C.R. CABO DA CRUZ
22:49:54
 

Tempos completos da contrarreloxo “Todoremo.com”
Galería Fotográfica da ‘IX Contrarreloxo de Cabo’ “Todoremo.com”
La Voz de Galicia “Más de 20 equipos estarán en la contrarreloj de Cabo” [02/01/2012]
La Voz de Galicia “El remo por Paula logró reunir 2.000 euros para la niña” [07/02/2012]

 

Resultados do descenso de Ares 18-12-2011

Esta mañá realizouse en Ares un descenso de traíñas ó que acudiron os botes da zona:

 
  • Ares B
  • Perillo B
  • Mugardos
  • Ares
  • A Cabana
  • Perillo-Salgado

Este tipo de regatas permiten ir confrontando os resultados dos entrenamentos contra outros equipos a vez que alivian a monotonía dos entrenamentos. As condicións foron as idóneas no mar sen apenas ola e vento moi frouxo.

A mañá alternou abundantes claros con chuvias fleves e temperaturas entorno os 10 grados.
Os resultados foron os seguintes:

 

Posición
Traíña
Tempo
A Cabana
22,59
Perillo
23,21
Perillo B
23,21
Mugardos
23,25
Ares
23,39
Ares B
23,46

 

Fin da Liga Galega de Traiñeiras do 2011

Este fin de semana a “Liga Galega de Traiñeiras” chegou a súa conclusión coa XVII Bandeira Concello de Vilagarcía realizada en Vilaxoán. A liga terminou seguindo a tónica habitual durante este ano, é dicir coa vitoria de Amegrove que gañou as 17 regatas da temporada; logrando así rebalidar o título de campión que xa lograra o ano pasado e batendo o record de vitorias consecutivas da liga. Detrás de Amegrove na xeral quedaron 2º Chapela e 3º Cabo da Cruz.

Nesta última regata a loita centrouse na loita polo 6º posto entre Mecos-Mondariz e Salgado-Perillo que partían empatados a 118 puntos; pero finalmente a 6ª posición foi para Salgado-Perillo que conseguía impoñerse a Mecos-Mondariz por 5 segundos.

Na parte baixa da clasificación a loita centrouse entre Rianxo, Mugardos e Puebla que partían con 61, 56 e 56 puntos respectivamente. Tras unha gran regata de Mugardos na que rematou 8º lograba asegurarse a 12ª posición con respecto a Rianxo e poñía en serios apuros a Puebla que por un punto conseguía manter a 11ª posición.

Destacar o bo desempeño do noso Club na súa primeira participación na LGT, que a pesar dun comezo bastante malo no mes de Xuño conseguía escalar postos gracias ós grandes resultados acadados durante Agosto.

 

Ó remate da regata realizouse un acto no que se fixo entrega das bandeiras os campións das ligas tanto masculina como feminina e entregáronse os premios de mellor patrón “Visqui” de Rianxo, mellor pica Gustavo Vázquez de Cabo e o equipo revelación que foi para Vilaxoán.

 

Clasificación da LGT “ligalgt.com”

El Dairio de Ferrol “Mugardos selló ayer la duodécima plaza en la general de la liga gallega” [29/08/2011]

Galería Bandeira Vilagarcía

Galería Bandeira Cidade de Ferrol

Resultados da I Bandeira Reganosa

Despois do problema do día 23 de Xullo a I Bandeira Reganosa levouse a cabo o pasado sábado, 13 de Agosto. A forte corrente na ría fixo que non fora posible montar o campo de regatas para a competición en quendas de cinco embarcación polo que finalmente a regata disputouse en modo contrarreloxo.

Ver I Bandeira Reganosa no mapa

 

Nun día cun vento cambiante aínda que non de moita intensidade, no ceo alternáronse durante toda a tarde claros e nubes, o que non desanimou o abundante público a presenciar a competición.

 

 


Na primeira quenda impúxose a traíña mugardesa empuxada polos ánimos dos xiareiros locais cun tempo de 22:10,22 que serviríalle para acadar a décima posición na clasificación final. Acadando con este resultado subir un posto na clasificación da Liga, ascendendo a duodécima posición.

 

 

Na segunda quenda facía o mellor tempo a traíña de Salgado-Perillo cun tempo de 21:39,90 e na terceira impoñíase con autoridade Amegrove, cun tempo de 20:34,36. O equipo do Grove con esta vitoria levaba a bandeira e igualaba a traíña de Samertolomeu do 2006 no seu record de 11 vitorias consecutivas na Liga Galega de Traiñeiras.

Ó remate da regata Emilio Bruquetas Director Xerente de Reganosa entregaba a bandeira ó patrón da traíña de Amegrove dende a embarcación disposta para as autoridades, rematando o evento coa entrega de premios ós clubs. Os premios foron entregados por María Dolores Faraldo Botana vicepresidenta da Deputación da Coruña, Xosé Fernández Barcia alcalde de Mugardos, Xosé Antón Bouza Concelleiro de Deportes de Mugardos, Iria Rodriguez Martinez relacións públicas de Gadisa, Mónica Fernández Linares Primer Teniente Alcade de Mugardos e Carlos Vales Director de Explotación de Reganosa.

Resultados da I Bandeira Reganosa “LGT”
Amegrove no tiene rival en la LGT “todoremo.com”
Amegrove se impuso en la Bandeira Reganosa en Mugardos “El Diario de Ferrol 14/08/2011”
Amegrove ondea la Bandera de Reganosa al ganar contrarreloj “La Voz de Galicia 14/08/2011”


Resumo da regata na TVG
 
 

I Bandeira Reganosa

Mañá, día 23 de Xullo, celebrarase en Mugardos a “I Bandeira Reganosa de Traíñas” pertencente a “Liga Galega de Traiñeiras”. A bandeira organizada polo Club do Mar de Mugardos e a LGT está patrocinada por Reganosa e foi presentada onte, día 22 de Xullo, no concello ante os medios de comunicación.

Efectuaron a presentación o presidente do Club do Mar, D. Guillermo Pereira, o Director de Operacións de Reganosa, D. Carlos Vales e o alcalde da vila D. Xosé Fernández Barcia.

Na regata compiten as catorce traíñas que disputan a Liga e poderá verse dende as 19.00 h. dende o peirao do pobo.
O campo de regata para a proba, composto de 4 longos de 1389 metros, parte do extremo do peirao e atravesa a ría cara o porto do carbón en Ferrol.

Ver I Bandeira Reganosa no mapa

Despois da regata as 20.30 comezará na carpa situada diante do Club do Mar a “Festa da Traíña”, na que se poderá disfrutar de mexillóns, empanada, viño e moita música. A consumición será de balde para os socios e a 3€ para o resto da xente.

La Voz de Galicia 22/07/2011 “La primera bandera Reganosa devuelve las traineras a Mugardos”
Diario de Ferrol 22/07/2011 “Mugardos, primera parada de la liga gallega de traineras en Ferrolterra”

[Actualización 24/07/2011]

Diario de Ferrol 24/07/2011 “La rotura del tren de balizaje impidió que se disputase la Bandera Reganosa”
Diario de Arousa 24/07/2011 “Suspenden la regata en Ferrol después de que una lancha arrollase el tren de balizaje “
La Voz de Galicia 24/07/2011 “Suspenden la regata de traineras de Mugardos al soltarse una baliza”