Posts

Posted on

Campionato Galego de Bateis 2026

O sábado, día 11/04/2026, disputouse na Pobra do Caramiñal o Campionato Galego de Bateis. O campionato previsto para disputarse a dobre xornada, sábado clasificatorias e domingo finais, disputábase finalmente nunha única xornada por mor da alerta meteorolóxica, realizándose as clasificatorias pola mañá e as finais pola tarde do mesmo sábado.

O Club do Mar competía coas seguintes tripulacións:

  • Alevín másculina
  • Infantil feminina
  • Cadete feminina
  • Xuvenil masculina
  • Absoluta feminina
  • Absoluta masculina

Conseguindo o pase para a final as tripulación alevín e xuvenil.

Na final alevín masculina os rapaces do equipo do Club do Mar conseguían a medalla de prata cun tempo de 03:10,94 a 8” do batel de Samertolomeu de Meira e por diante de Rianxo.

Os deportistas xuvenís tamén conseguían igualar o resultado dos alevíns e facíanse tamén coa medalla de prata cun tempo de 09:43,58 a 2” de Cabo da Cruz e por diante de Rianxo.

Nos medios de comunicación:

Diario de Ferrol 13/04/2026 – Las tres platas de Mugardos y A Cabana

Posted on

Calendario electoral eleccións 2026

Calendario electoral para as elección á presidencia do Club do Mar de Mugardos aprobado na
asemblea extraordinaria do 02/04/2026:

  • 2 de abril convocatoria de elección e elección da xunta electoral:
    Presidente, secretario e 3 vogais elixidos entre os socios asistentes a asemblea.
  • Do 6 de Abril ó 20 de Abril, exposición pública do censo electoral
    Os interesados en consultar o censo, poden concertar cita no correo electrónico
    cmmugardos@gmail.com
  • Presentación de reclamacións ó censo 21, 22 e 23 de Abril.
  • Publicación do censo definitivo 24 de Abril
    O censo farase público no local social do club, situado no primeiro piso.
    Os interesados en consultar o censo poden conectar cita no correo electrónico
cmmugardos at gmail.com

 

  • Período de presentación de candidaturas 25, 26 e 27 de Abril.
  • Exposición pública de candidaturas 28 de Abril ó 2 de Maio.
  • Período de impugnación e reclamacións as candidaturas presentadas do 3 ó 4 de Maio.
  • 5 Maio, resolución as reclamacións presentadas.
  • 10 de Maio: eleccións.
  • 14 de Maio proclamación pública da candidatura electa.
Continue reading “Calendario electoral eleccións 2026”
Posted on

Convocatoria de Xunta Xeral ordinaria e extraordinaria de socios/as 06/03/2026

Club do Mar de Mugardos
 R/Cantón de Cora Nº16
 15620 Mugardos (A Coruña)
 

CONVOCATORIA DE XUNTA XERAL ORDINARIA DE SOCIOS/AS

De conformidade co acordo da Xunta Directiva extraordinaria celebrada o 6 de Marzo de 2026 convoca a Xunta Xeral Ordinaria de Socias/os do Club do Mar de Mugardos para a súa celebración en Mugardos, no local social da entidade, situado na Rúa Cantón de Cora, n.º 16, o vindeiro 2 de Abril de 2026 as 09:30 en primeira convocatoria e ás 10:00 en segunda convocatoria, co gallo de deliberar e adoptar acordos sobre os asuntos incluídos na seguinte: 

ORDE DO DÍA

  1. Lectura e aprobación da acta anterior, se procede.
  2. Informe económico do ano 2025.
  3. Informe deportivo e de actividades do ano 2025.
  4. Situación actual do club e proxectos para a tempada.
  5. Procedemento a seguir nas eleccións á Presidencia do Club do Mar de Mugardos por fin de mandato do actual Presidente.
  6. Rogos e preguntas.

CONVOCATORIA DE XUNTA XERAL EXTRAORDINARIA DE SOCIOS/AS


A directiva do Club do Mar de Mugardos convoca Xunta Xeral Extraordinaria de Socias/os do Club do Mar de Mugardos, para a súa celebración en Mugardos, no local social do Club do Mar de Mugardos, situado na Rúa Cantón de Cora, n.º 16, o vindeiro 2 de Abril de 2026 ó remate da Xunta Ordinaria previa, co gallo de convocar eleccións a Presidencia conforme a seguinte orde do día:

  1. Calendario electoral.
  2. Sorteo membros compoñentes Xunta Electoral.
  3. Elección e nomeamento dos compoñentes da Mesa Electoral.

Mugardos, a 17 de marzo de 2026.

O PRESIDENTE

Eliseo Reborido Mato

Posted on

Danos no material do Club do Mar tralo paso da borrasca Harry

Esta mañá debido ó paso da borrasca Harry, as nosas embarcacións e as instalacións sufriron danos importantes.

Esto é algo que se ven repetindo ano tras ano, debido a falta de espacio en condicións onde poder gardar as embarcacións. É unha demanda que vimos facendo dende fai moito tempo.

No nos queda máis que seguir traballando día a día como o vimos facendo para que tanto as nenas e nenos como maiores poidan practicar o deporte do remo, que é o que gústanos facer.

Posted on

Subvención da Deputación Da Coruña para a adquisición dunha traineriña

A Deputación Da Coruña condeulle o Club do Mar de Mugardos unha subvención por importe de 12.800,00€ para a adquisición de material deportivo.

O programa desta axuda é o “FO104: PROGRAMA DE SUBVENCIÓNS A ENTIDADES DEPORTIVAS DA PROVINCIA, SEN ÁNIMO DE LUCRO, PARA INFRAESTRUTURAS E EQUIPAMENTO DEPORTIVO DURANTE O ANO 2025”.

O material deportivo obxeto desta subvención é o seguinte:

  • Traineriña de competición Costas Composites
  • Bicicleta elíptica
  • Material de ximnasio

Posted on

O Club do Mar recibe unha nova furgoneta de 9 prazas

O Club do Mar de Mugardos xa conta cunha nova furgoneta de 9 prazas grazas ao apoio da Deputación da Coruña, que achegou 25.000 € para facilitar os desprazamentos das e dos deportistas, así como o transporte de embarcacións e material.

Durante a entrega, o presidente Valentín González Formoso e o deputado Antonio Leira destacaron o gran traballo do club, exemplo de compromiso co remo, a mocidade e os valores deportivos

“Sen transporte, non hai regatas”, afirmou o tesoureiro do club, Guillermo Pereira.

O Club do Mar é todo un referente nas vilas costeiras… e agora, con nova furgoneta, toca seguir navegando cara novos retos!

https://www.dacoruna.gal/novas/ficha-noticia-reducida?id_evento=25879