Categoría: Competición

Posted on

Recepción no Concello de Mugardos

O pasado venres, 10 de maio de 2024, a corporación municipal do Concello de Mugardos recibía no salón de plenos do concello a tripulación alevín feminina do Club do Mar de Mugardos que acadou o bronce no Campionato de España de Bateis do 28/04/2024.

No acto o Alcalde D. Juan Domingo de Deus Fonticoba e o Concelleiro D. José Miguel Mahía Prados entregaban a tripulación do club unha bandeira conmemorativa co escudo da vila.

Posted on

Resultados Campionato de España de Bateis

O pasado domingo 28/04/2024 o Club do Mar de Mugardos competiu no campionato de España de Bateis, disputado na Pobra do Caramiñal, tras clasificar as tripulacións absoluta feminina e alevín feminina.

As rapazas da categoría absoluta competían contra Kaiku, Mecos, Arraun e Castropol na eliminatoria e remataban no cuarto posto quedando fora dos postos que daban o pase a final A.

Mellor resultado conseguía a tripulación alevín feminina que clasificabase segunda na eliminatoria do sábado para facerse coa medalla de bronce na final do domingo.

Continue reading “Resultados Campionato de España de Bateis”
Posted on

Resultados Campionato Galego de Bateis

O Club do Mar de Mugardos competiu o pasado 21/04/2024 no Campionato Galego de Bateis disputados na Pobra do Caramiñal cos seguintes equipos:

  • Alevín Feminino
  • Absoluto Feminino

Conseguindo clasificarse para o Campionato de España de Bateis con ámbolos dous equipos, tras acadar un 4º posto na categoría Absoluta Feminina e alzándose coa prata na categoría Alevín Feminino.

[2024] 2º Posto - Alevín Fem - Cpto Galego Bateis
[2024] 2º Posto – Alevín Fem – Cpto Galego Bateis
Continue reading “Resultados Campionato Galego de Bateis”
Posted on

Presentación da LGT 2023 e I Bandeira Concello de As Pontes

Este sábado 10/06/2023 presentouse a nova tempada da “Liga Galega de Traiñeiras – Trofeo Xunta de Galicia 23”, contando esta tempada con dúas traíñas representando a unión do Club do Mar de Mugardos co Club de Remo A Cabana – Ferrol.

Plantillas do CM Mugardos – A Cabana Ferrol 2023

O primeiro en comezar coa competición foi o equipo masculino, competindo na primeira quenda co C.R. Perillo e Muros – Esteirana. O noso equipo facíase co primeiro posto na quenda cun tempo de de 20:33:38, despois dunha saída dura en cabeza e sen afrouxar ritmo en ningún momento. Na segunda quenda participaron CR Amegrove, CRN Riveira e CR Chapela – Wofco. Non sendo capaz ningún equipo da segunda quenda de baixar o crono dos 21 minutos o noso equipo masculino facíase co primeira bandeira da LGT-B 2023.

Ler máis: Presentación da LGT 2023 e I Bandeira Concello de As Pontes
PosiciónClubTempoDiferenza
1ºMUGARDOS – A CABANA FERROL20:33,38
2ºMUROS-ESTEIRANA20:49,12+0:15,74
3ºCR CHAPELA – WOFCO21:07,61+0:34,23
4ºAMEGROVE CR21:22,45+0:49,07
5ºCRN RIVEIRA21:26,06+0:52,68
6ºCR SALGADO – PERILLO21:42,09+1:08,71
Clasificación da I Bandeira de As Pontes – LGT-B
Fotos regata I Bandeira Concello das Pontes LGT-B
Soltando Estacha 1 – 2023

Ó remate da regata da LGT-B comezaba a LGT-Fem na que a nosa traíña feminina competía na segunda quenda xunto co equipo de CR CHAPELA – WOFCO. Estes dous equipos ofreceron un dos duelos máis interesantes da xornada, nunha dura competición pola bandeira feminina. Mugardos – A Cabana chegaba primeira a boia cunha vantaxe de tan so 2 segundos sobre Chapela e incluso chegaba a aumentar a distancia ata os 4 segundos na segunda baliza; pero nun gran 3º longo o equipo de Chapela recortaba esta distancia e entraba a par con Mugardos – A Cabana na derradeira virada. Despois dun disputadísimo último longo Chapela conseguía facerse coa bandeira por unha diferenza de tan so 1,67 segundos.

PosiciónClubTempoDiferenza
1ºCR CHAPELA – WOFCO23:20,59
2ºMUGARDOS – A CABANA FERROL23:22,26+0:01,67
3ºCR RIANXO23:25,50+0:04,91
4ºCCD CESANTES – CEFYCAL24:35,77+1:15,18
5ºCR PUEBLA24:54,22+1:33,63
6ºCR SALGADO – PERILLO25:11,14+1:50,55
7ºCM CASTROPOL26:28,24+3:07,65
Clasificación da I Bandeira de As Pontes – LGT-Fem
Fotos cortesía de https://www.facebook.com/moitoremo

Noticias relacionadas:
La Voz de Galicia – Mugardos-A Cabana, Chapela y Ares comienzan ganando en la Liga Galega de Traiñeiras en As Pontes [10/06/2023]
Diario de Ferrol – Ares vuelve, Narón sigue y la unión Ferrol-Mugardos crece [10/06/2023]
Diario de Ferrol – Ares comienza mandando en su regreso a la liga gallega de traineras [10/06/2023]

Posted on

Traíñas conxuntas C.M. de Mugardos – C.R. A Cabana Ferrol

Despois do bos resultados acadados o pasado ano coa traíña conxunta entre o C.R. A Cabana Ferrol e o Club do Mar de Mugardos a próxima tempada repetirase esta colaboración tano na liga feminina de traíñas como na masculina.

Hoxe fíxose efectiva a unión co primeiro adestramento conxunto da traíña masculina namentres que as rapazas disputaron a primeira regata da tempada participando no “VII Memorial Pepe o Ruso” celebrada en Bueu, acadando o 3º posto na categoría feminina tras CR Cabo da Cruz e o CR Rianxo.

A participación conxunta restrinxese a competición na LGT, no resto de competicións do calendario (batel, traineriña e banco móbil) as dúas tripulacións enfrontaranse en cadansúa embarcación.

Vídeo da proba realizado por “Tercos Meira“