Paellada Popular no C.M. de Mugardos, 21/09/2024
O sábado 21 de setembro a partir das 13:00 horas (retirada de tickets dende dende as 12:00) realizarase un evento gastronómico no C.M de Mugardos no que os socios da entidade poderán degustar de balde paella e mexilóns, limitado a unha ración de cada un dos pratos por socio. Os non socios tamén poderán participar na degustación e colaborar no mantemento do club quedando o prezo dos pratos en 5€ para os mexilóns e 8€ a paella.
O evento estará amenizado pola música de DJ Mike.
Bandeiras de Traíñas: VI Feminina Reganosa e VIII Concello de Mugardos
X Festa do Marisco 10/08/2024
Festa do Polbo 2024
Escola de Verán 2024
Medalla de bronce no Campionato Galego de Traiñeriñas
A tripulación cadete masculina do club acadou hoxe, 19 de maio de 2024, a medalla de bronce na final do Campionato Galego de Traiñeriñas disputada en Tirán (Moaña).
Limpeza da ribeira de Mugardos 24/05/2024
O próximo día venres 24 de maio realizarase unha limpeza na ribeira de Mugardos, nas zonas do porto e da praia da Bestarruza. A principal finalidade é concienciar a a poboación, facendo especial fincapé nos nen@s de idade escolar, da necesidade do especial coidado dos nosos hábitats mariños e intermareais.
Recepción no Concello de Mugardos
O pasado venres, 10 de maio de 2024, a corporación municipal do Concello de Mugardos recibía no salón de plenos do concello a tripulación alevín feminina do Club do Mar de Mugardos que acadou o bronce no Campionato de España de Bateis do 28/04/2024.
No acto o Alcalde D. Juan Domingo de Deus Fonticoba e o Concelleiro D. José Miguel Mahía Prados entregaban a tripulación do club unha bandeira conmemorativa co escudo da vila.
Resultados Campionato de España de Bateis
O pasado domingo 28/04/2024 o Club do Mar de Mugardos competiu no campionato de España de Bateis, disputado na Pobra do Caramiñal, tras clasificar as tripulacións absoluta feminina e alevín feminina.
As rapazas da categoría absoluta competían contra Kaiku, Mecos, Arraun e Castropol na eliminatoria e remataban no cuarto posto quedando fora dos postos que daban o pase a final A.
Mellor resultado conseguía a tripulación alevín feminina que clasificabase segunda na eliminatoria do sábado para facerse coa medalla de bronce na final do domingo.
