Categoría: Eventos

Posted on

Presentación da LGT 2012

Este sábado, 8 de Xuño, celebrouse en Sanxenxo a presentación da LGT para este ano 2012. O acto organizado polo Club de Remo Amegrove e o Concello de Sanxenxo realizouse na Praza do Mar da vila aínda que este veuse moi deslucido pola continua choiva que caeu durante toda a tarde de forma case ininterrompida.

Moitas das traíñas que tiñan planificado entrear en Sanxenxo cambiaron de idea ante o complicado estado do mar e so unhas poucas se atreveron a mollar as embarcacións.
O acto comezou as 20.00 horas coa actuación da escola de baile Cantodorxo o que seguiu o monologuista “Manolo o do Atleti” para dar paso a presentación da liga. O acto foi presentado por Terio Carrera e nel participaron a alcaldesa de Sanxenxo Catalina González, o Presidente da LGT Diego Portela e o Secretario Xeral para o Deporte José Ramón Lete Lasa entre outros.

A principal novidade da liga de este ano e a división da competición en dúas ligas, na que o Club do Mar de Mugardos despois de clasificarse na regata clasificatoria do pasado 6 de Abril remará na liga A.

 

La Voz de Galicia “La Liga alza el telón en Sanxenxo” [09/06/2012]

 

Posted on

Acto de entrega do “1º premio Estudo e Deporte”

O 21 de xuño as 18.00 horas realizarase no IES Mugardos o acto de entrega do 1º premio “Estudo e Deporte”, galardón co que se pretende premiar os alumnos con mellor desenvolvento tanto académico como deportivo e social.

Na primeira parte do acto homenaxarase ás directivas dos clubes deportivos mugardeses, intervindo representantes do Club do Mar de Mugardos e do SDC Galicia de Mugardos.

Na segunda parte do acto farase entrega dos premios “Estudo e Deporte” ós alumnos do IES de Mugardos galardonados.

Máis información: I Premio Estudo e Deporte

Posted on

Acto de presentación da nova traíña do Club do Mar

O Club do Mar de Mugardos presentará publicamente a nova traíña da sociedade, de nome Bestarruza, nun acto que terá lugar este venres (25 de Maio) as 18.00 horas diante do local social do club e o que están convidados tódolos socios e seareiros do club.

O programa do acto será o seguinte:

  • Recepción de autoridades e convidados entre os que se atoparán persoeiros de institucións públicas e privadas relacionadas co deporte e o mundo empresarial, tanto a nivel autonómico como local e comarcal. 
  • Presentación do acto ó longo do cal intervirán algúns dos persoeiros así como o Presidente da sociedade, e no que se presentará a recén adquirida traíña, patrocinada pola empresa Reganosa, que será bautizada en presenza da madriña da embarcación, a socia María Fariña Vázquez.
  • Entrega dun recordo ás empresas colaboradoras co Club do Mar na pasada tempada, así como unha distinción especial á empresa  Reganosa polo patrocinio da traíña na pasada edición da Liga Galega de Traíñas, coa entrega ós seus Directivos dunha réplica da bandeira da “ I Bandeira de Traíñas Reganosa”, bordada a man por unha artesá mugardesa.
  • Rematando o acto, e tras unha sesión fotográfica en lembranza do acontecemento, servirase un ágape diante do club e porase fin ó acto.
 

[Actualización 25/05/2012]

 

 

 

Todoremo.com “Mugardos se viste de largo” [25/05/2012]
Diario de Ferrol “El Club del Mar de Mugardos confía en su ‘Bestarruza'” [26/05/2012]

 

Posted on

Ruta BTT EDR 2012

O próximo 1 de Xullo realizarase a ruta Entre Dúas Rías de este ano, na que o “O club do Mar – Pulpeiros BTT” repite na organización. Esta é a sexta edición da popular ruta que percorre os municipios de Ares e Mugardos, a cal xa se consagrou como un dos principais eventos deportivos da zona.
A EDR encóntrase incluída no calendario de BTT da Federación Galega de Ciclismo con tódolas vantaxes que isto supón para os participantes. A ruta percorrerá uns 50 Km entre os dous municipios recorrendo paraxes únicos de as rías de Ferrol e a de Ares.
Ó final da ruta realizarase unha comida con tódolos participantes e o sorteo de premios por parte dos patrocinadores do evento.
A inscrición, limitada a 300 participantes, poderá levarse a cabo neste formulario.
O prezo da inscrición será de 15 € para os ciclistas federados e 27 € para os non federados incluíndo seguro e comida.

Track da EDR 2012 [descargar]


Os participantes poden comprobar o estado da súa inscrición aquí.

Como chegar o Pavillón Deportivo de Ares (punto saída da ruta) desde a saída da AP-9.

Posted on

Resumo da Regata Clasificatoria da LGT

Os pasados días 5 e 6 de Abril, Xoves e Venres, celebrouse en Meira (Moaña) a clasificatoria para decidir a composición das Ligas que comporán a LGT. A clasificatoria disputouse nun formato a dúas regatas contrarreloxo no que o primeiro día clasificábanse cinco traíñas e no segundo tres para participar na Liga A, competindo as nove traíñas restantes na Liga B.

O primeiro día presentouse con ceos despexados pero cun molesto vento que complicaba a remada das traíñas. Nesta primeira xornada non houbo sorpresas ó clasificarse as cinco embarcacións favoritas (Chapela, Amegrove, Cabo, Meira e Vilaxoán); pero no que a traíña de Mugardos mostraba o seu potencial quedando soamente a 8 segundos e medio de Vilaxoán e rozando o ascenso a Liga A. Mentras o resto de traíñas que optaban a pelexar polos tres postos restantes no seguinte día optaban por unha estratexia máis conservadora reservando forzas para a seguinte proba entrando a máis de 30 segundos da traíña de Mugardos.

O segundo día presentábase cunhas nubes ameazantes con choiva pero cun vento moito máis frouxo que permitirían as traíñas baixar os cronos do día anterior. O pouco prometedor día non disuadiu o abundante público que practicamente repetía o número do soleado día anterior, todos eles expectantes por coñecer como quedarían conformadas as ligas do novo formato da LGT.

 
 
 
 
 

Na segunda contrarreloxo sí que a apareceron as sorpresas e Mugardos, que non pareceu pagar o cansanzo da xornada anterior, volveu marcar o mellor crono cun tempo de 20:07,22 a tan so 3 centésimas da traíña da Cabana que se facía co segundo posto en liza. Ares facíase co último posto para a Liga A ó superar a uns dos favorito, Perillo, por pouco menos de 3 segundos. A traíña de Perillo quedábase as portas da liga boa tras diversos problemas na regata como a lesión dun dos remeiros que non puido rematar a regata e problemas cun dos remos.

Desta forma a traíña do Club do Mar de Mugardos conseguía un posto para a Liga A no seu segundo ano na competición, gracias o esforzo e traballo dos seus remeiros conseguindo un tremendo éxito para o Club.

Tempos da primeira xornada [todoremo.com]
Tempos da segunda xornada [todoremo.com]

El Diario de Ferrol “La Liga Gallega de Traineras tomará forma durante las dos próximas jornadas” [05/04/2012]
ligalgt.com “Mugardos, A Cabana e Ares completan a LGT-A” [06/04/2012]
La Voz de Galicia “Chapela domina la previa de la Liga Gallega de Trainera” [06/04/2012]
El Diario de Ferrol “Mugardos, A Cabana y Ares formarán con los mejores en la Liga Galega ” [08/04/2012]


O presidente do Club do Mar, Guillermo Pereira,
comenta o éxito da traíña do Club para “Galicia en Goles”.
(A entrevista comeza a partir do minuto 6:35).

Actualización [10/04/2012]
La Voz de Galicia “Mugardos estrena trainera y tripulación y da un salto de nivel” [10/04/2012]

Galería 1ª Xornada

Galería 2ª Xornada

Posted on

Resumo da “I Contrarreloxo Club do Mar – Pulpeiros BTT”

Este sábado,día 31 de Marzo de 2012, levouse a cabo a “I Contrarreloxo Club do Mar – Pulpeiros BTT” na que participaron máis de 100 ciclistas. A contrarreloxo comezou no horario previsto e cun tempo marcado polos ceos despexados e as temperaturas agradables, aínda que cara última hora o fume do incendio nas fragas do Eume chegou a escurecer o ceo por momentos.
A proba desenrolouse según o previsto nun circuíto moi divertido que partía dende o peirao da vila para despois recorrer carreiros de todo o pobo conformando un circuíto de 16 km ó que era necesario dar dúas voltas na categoría masculina e unha volta na categoría feminina. A chegada realizouse no mesmo punto de partida, diante do local social do Club do Mar, na que estaba situada o avituallamento para os esgotados ciclistas.

O mellor tempo na categoría masculina foi de 1 hora 11 minutos e 59 segundos, namentres que a máis rápida das mulleres completaba o circuíto en 52 minutos e 59 segundos.

A contrrreloxo concluíu coa entrega de trofeos e premios para os ciclistas cos mellores tempos.

Dende o Club do Mar agradecemos a tódolos colaboradores do evento, sen a súa colaboración non sería posible realización da proba (Concello de Mugardos, Eumebike, CiclosRoca e Powerade); pero gustaríanos agradecer de forma moi especial a colaboración da Policía Municipal de Mugardos e os voluntarios de Protección Civil, cuxo esforzo foi imprescindible para a bo desenrolo e seguridade da contrarreloxo.

O fume chegou a escurecer o ceo por momentos

Tempos e clasificación da contrarreloxo [PDF 60KB]

Fotos de Alberto Fdez [facebook]
Fotos do Club do Mar [facebook]
Fotos de Javier Vilar [picasaweb]
Fotos de 10595354255906727… [picasaweb]
Fotos de Ramón Romero [Google Plus]

Posted on

Concurso para atopar o nome co que bautizar á nova traíña do Club do Mar

  • Buscamos un nome que sexa apropiado ó deporte do remo, ó mar, a Mugardos, a Galiza,……
    A imaxinación debes poñela ti e facer a túa proposta.
  • Poderá participar calquera persoa, sen límite de idade. Só poderase facer unha proposto por persoa.
  • Prazo e lugar de presentación: Do 19 ó 30 de marzo ambos incluídos; no Club do Mar de Mugardos, ou ben enviando un correo electrónico ó enderezo clubdomarmugardos@hotmail.com nesas datas. É necesario incluír o nome e apelidos do aut@r así como un teléfono de contacto.  ( Os envíos presentados fóra de prazo quedarán automaticamente excluídos do concurso).
  • Premio: Un equipo reprodutor de DVD portátil con pantalla xiratoria.
  • No caso que resulte gañadora unha proposta con varios autores, sortearase o premio entre todos eles.
  • Membros do xurado e fallo dos concursos: O xurado estará composto polo Presidente do Club do Mar, dous Directivos da Sociedade, o adestrador da traíña e un remeiro.
  • O gañador do concurso darase a coñecer publicamente o  31 de marzo e recibirá o seu premio nun evento celebrado posteriormente no que se presentará oficialmente a traíña e a tripulación da mesma.
  • A participación no concurso implica a aceptación das presentes bases.

Posted on

I Contrarreloxo Club do Mar – Pulpeiros BTT

O día 31 de Marzo realizarase a
“I Contrarreloxo Club do Mar – Pulpeiros BTT” organizada pola nosa sección de ciclismo os Pulpeiros BTT. A contrarreloxo se realizará en Mugardos, nun percorrido circular de 16 Km ó que será necesario dar dúas voltas facendo un total de 32 Km. O desnivel varía entre os 0 e os 90 metros polo que non quedará sitio para a relaxación nun trazado sobre todo moi divertido.
A saída e a chegada será diante do local social do Club do Mar de Mugardos, situado no Cantón de Cora no peirao de Mugardos. Ás 16.00 será a recollida de dorsais para proceder as saídas a partir das 16.30 por orden de dorsal.
O custe por participación é o seguinte:
-Federados: 0 €.
-Non federados: 12€ (custe da licencia por un día).
-Cena: 10€ por persoa (se poden traer acompañantes).
A inscrición se fará no seguinte formulario web ata o día 27 de Marzo, podéndose comprobar a situación dos inscritos nesta páxina.

Ruta do evento
Perfil do evento

Ruta da Crono
Evento da proba en Facebook

Posted on

II Bici-Gymkana Infantil do Club do Mar

O vindeiro día sábado 14 de Xaneiro levarase a cabo a “II Bici-Gymkana Infantil” organizada pola sección de ciclismo do Club do Mar de Mugardos, os Pulpeiros BTT. O acto realizarase no Pavillón Municipal do Cristo as 17.00 horas.

  • O evento está destinado a nenos de 5 a 13 anos e constará de diferentes circuitos, probas e niveis. 
  • É necesario un nivel aceptable de control da bicicleta.
  • Para a participación en dito evento é necesario que os participantes leven bicicleta e mais casco. 
  • A actividade será completamente de balde para todo os partipantes.
  • Ó final do evento sortearase diverso material deportivo cedido por Ciclos-Roca e unha magnífica bicicleta de BTT por parte do Club do Mar.

A inscripción realizarase no seguinte formulario web ou na cantina do Club do Mar. O prazo de inscrición remata o venres 13 de Xaneiro as 14.00 horas 21.00 horas.

Para resolver calqueira duda se pode contactar co club no seu teléfono 981 470 170 ou ben no email .

Imáxenes do evento do ano anterior.