Posts

Posted on

Convocatoria de Xunta Xeral Extraordinaria do 12/11/2017

Club do Mar de Mugardos
R/Cantón de Cora Nº16
15620 Mugardos (A Coruña)
TLF. E FAX: 981 470170
CONVOCATORIA DE XUNTA XERAL EXTRAORDINARIA DE SOCIOS/AS

De conformidad co acordo da Xunta Directiva celebrada o pasado 13 de outubro de 2017, convócase Xunta Xeral Extraordinaria de Socios/as do Club Do Mar De Mugardos, para a súa celebración en Mugardos, na Cantina do Club do Mar, situado na Rúa Cantón de Cora, Núm. 16, O DOMINGO 12 DE NOVEMBRO DE 2017 ás 10.30 horas, en primeira convocatoria; e ás 11.00 horas en segunda convocatoria no caso de non obterse o quorum suficiente, co gallo de deliberar e adoptar acordos sobre os asuntos incluidos na seguinte 
ORDE DO DÍA 
  1. Acordo de terminos e condicións da separación da sección de BTT do C.M. de Mugardos.
  2. Solicitude de venta/cesión do material de BTT ó novo club “Club Pulpeiros Mugardos”, se procede
  3. Rogos e preguntas.

Mugardos, a 13 de outubro de 2017.
O PRESIDENTE

Asdo. Guillermo Pereira Coto

Posted on

Reunión informativa sección BTT

Reunión informativa cos deportistas da sección de BTT

Convócase a unha reunión informativa ós deportistas da sección de ciclismo do Club o próximo día martes 15 de agosto as 19:00 horas, na cantina do Club do Mar de Mugardos, para tratar os seguintes puntos:

  • Situación actual da sección de BTT.  
Mugardos a 9 de agosto de 2017 
A directiva do Club do Mar de Mugardos.
Posted on

Escola de verán 2017

Esta semana comeza a escola de verán do Club do Mar de Mugardos para o periodo do 5 de xullo ó 30 de agosto:

  • IDADE : nenos/as nados entre o 2000 e o 2008.
  • HORARIO : luns, mércores e venres de 11.00h a 13.00h.
  • PRAZO DE INSCRICIÓN : do 21 de xuño ata o 7 de xullo (para a primeira quenda).
  • IMPRESCINDIBLE SABER NADAR

Programa de actividades previsto:

  • Iniciación ó remo.
  • Iniciaciación á chave.
  • Obradoiro de estrobos.
  • Saída/excursión polas proximidades do club.
  • Regata-encontro con outras escolas.
  • Actividade “Superámonos” cos usuarios de ASPANEPS-Fene.
  • Clausura conxunta coa escola de BTT Pulpeiros.

Tarifas socios:

  • Nenos pertencentes á escola de remo: GRATIS.
  • Nenos pertencentes a comunidade autónoma de Galicia: 10€/mes (inclúe ficha federativa, seguro e camiseta).
  • Nenos pertencentes a outras comunidades autónomas: 10€/mes (inclúe ficha federativa, seguro e camiseta).

Tarifas non socios:

  • Nenos pertencentes a comunidade autónoma de Galicia: 15€/mes (inclúe ficha federativa, seguro e camiseta).
  • Nenos pertencentes a outras comunidades autónomas: 25€/mes (inclúe ficha federativa, seguro e camiseta) ou 40€ inscrición 2 meses.

O prazo para o segundo periodo de inscrición é de 17 o 31 de xullo.

Información e inscricións no Club do Mar (Cantón de Cora,16)
De luns a venres (19.00 – 20.00h), ou por teléfono: 667 540 883 – 625 632 111.

Posted on

Convocatoria de xunta xeral ordinaria do 02/04/2017

Club do Mar de Mugardos
R/Cantón de Cora Nº16
15620 Mugardos (A Coruña)
TLF. E FAX: 981 470170
CONVOCATORIA DE XUNTA XERAL ORDINARIA DE SOCIOS/AS

De conformidad co acordo da Xunta Directiva celebrada o pasado 10 de marzo de 2017, convócase Xunta Xeral Ordinaria de Socios/as do Club Do Mar De Mugardos, para a súa celebración en Mugardos, na Cantina do Club do Mar, situado na Rúa Cantón de Cora, Núm. 16, O DOMINGO 2 DE ABRIL DE 2017 ás 10.30 horas, en primeira convocatoria; e ás 11.00 horas en segunda convocatoria no caso de non obterse o quorum suficiente, co gallo de deliberar e adoptar acordos sobre os asuntos incluidos na seguinte 
ORDE DO DÍA 
  1. Lectura e aprobación da acta anterior, se procede.
  2. Informe deportivo e de actividades do ano 2016.
  3. Informe económico do ano 2016.
  4. Situación actual do Club do Mar de Mugardos e proxecto da sociedade para o ano 2017.
  5. Rogos e preguntas.

Mugardos, a 10 de marzo de 2017.
O PRESIDENTE

Asdo. Guillermo Pereira Coto

Posted on

Concurso de adxudicación da xestión do ambigú da sociedade

Convócase o concurso para a xestión do ambigú do Club do Mar de Mugardos, na que poderán participar todas as persoas ou sociedades que cumpran o establecido no prego de cláusulas publicada na web da entidade.

O período de presentación de ofertas é do 10 de marzo ata o 20 de marzo de 2017, sendo presentadas as ofertas na oficina do Club do Mar no horario de atención ó público.

Os solicitantes deberán cumprir as seguintes condicións:

  • Ser socios do Club do Mar no momento de presentar a proposta.
  • Ter cumpridos os 18 anos.

Os criterios para valorar as propostas serán:

  • Memoria da xestión.
  • Formación e/ou experiencia no sector da hostalaría.
  • Residencia en Mugardos e antigüidade como socio.
  • Entrevista persoal.
  • Oferta económica.
  • Posibilidade de facerse cargo da limpeza da sala de fitness e vestiarios.

Prego de condicións (PDF)

Posted on

Ruta BTT solidaria con Asfedro

O próximo domingo 18 de decembro realizarase a “I Ruta BTT solidaria con Asfedro“:

  • Ruta de iniciación á BTT para nenos e familias, cun percorrido entorno ós 12-14 Km. A idade mínima é de 5 anos e asimesmo é imprescindible un bo manexo da bicicleta ó discurrir a ruta por terreo non asfaltado.
  • A ruta sairá neutralizada as 10.15 horas dende o local do Club do Mar de Mugardos para realizar a saída as 10.30 diante do edificio do Concello de Mugardos.
  • O prezo da inscrición é de 5€, destinados integramente a Asfedro.
  • Para inscribirse pode empregar o seguinte formulario de inscrición ou facelo tanto na cantina do Club do Mar de Mugardos como na sede de Asfedro.
  • O día da ruta tamén será posible inscribirse no Club do Mar polo que aconsellamos ós interesados en inscribirse ese día que acudan con antelación para evitar retrasos na saída da proba.
Posted on

Resultado da VI Bandeira Reganosa

Este pasado sábado 30 de xullo levouse a cabo a sexta edición da “Bandeira Reganosa” organizada polo Club do Mar de Mugardos coa inestimable colaboración de Reganosa, a que aproveitamos apara agradecerlle a súa colaboración durante todos estes anos.

Participaron na regata mugardesa os once equipos da Liga A da “Liga Galega de Traiñeiras 2016”: S.D. Samertolameu, C.R. Ares, C.R. Puebla, C.R. Coruxo, C.M. Castropol, C.M. Bueu-Teccarsa, C.R. Mecos-Mondariz, C.R. Chapela, Amegrove C.R.D.C., C.R. Vilaxoán e C.R. Salgado-Perillo.

A asistencia de público foi moi boa, como nos anteriores anos, facendo da Bandeira Reganosa unha das regatas con maior asistencia de público da liga. O tempo con claros e nubes foi marcado por un forte vento do nordeste, o que fixo os longos en contra do vento bastante duros.

Ó remate da competición faríase coa Bandeira a S.D. Samertolameu que afianzaba a súa posición como primeira clasificada da Liga A, a 7 segundos entraba C.R. Ares e xa a 22 segundos C.R. Puebla.

Resultado da Bandeira

POSTO QUENDA BOIA CLUB TEMPO
1º 3 1 S.D. Samertolameu 21’01”.70
2º 3 4 C.R. Ares +0:07.87
3º 3 2 C.R. Puebla +0:22.88
4º 3 3 C.M. Castropol +0:34.30
5º 2 3 C.R. Coruxo +0:41.73
6º 2 2 C.R. Mecos-Mondariz +0:47.09
7º 2 4 C.R. Chapela +0:48.87
8º 2 1 C.M. Bueu-Teccarsa +1:00.88
9º 1 1 Amegrove C.R.D.C. +1:07.46
10º 1 2 C.R. Salgado-Perillo +1:48.75
11º 1 4 C.R. Vilaxoán +2:15.06

Unha vez que os árbitros comunicaron o resultado da Bandeira, Lucía García (Directora de Administración de Reganosa) entregáballe o patrón da embarcación de Meira a bandeira que os proclamaba como vencedores e Laura López Martínez (Responsable Xurídico e de Sostenibilidade de Reganosa) entregaballe o maiot de líder da Liga A.

Posted on

Presentación da VI Bandeira Reganosa de Traíñas

Hoxe, 28 de xulio, realizouse na Casa do Concello de Mugardos o acto de presentación da VI Bandeira Reganosa de Traíñas. A bandeira disputarase o vindeiro sábado 30 as 8.00 horas no peirao de Mugardos. Na proba pertencente a Liga Galega de Traiñeiras participaran as 11 traíñas que disputan a Liga A.

No acto de presentación participaron Lucía García (Directora de Administración de Reganosa), Mónica Martínez Regueiro (Concelleira da Comisión de Benestar, Igualdade e Sanidade do Concello de Mugardos) e Guillermo Pereira Coto (Presidente do Club do Mar de Mugardos), tamén asistiu Paula Morgade Carnero (Concelleira de Iniciativa Cidadá de Mugardos).