Tempos do descenso de Ares

Hoxe, Domingo 23 de decembro de 2012, disputouse o descenso organizado polo C.R. Ares; o primeiro da tempada despois da suspensión do descenso de Coruxo. Ante o forte vento e as malas condicións para regatear o descenso trasladouse dende a Ría de Ares a de Ferrol, onde se remou saíndo de Mugardos ata á Cabana e rematando no punto de saída.

 

Na regata participaron as traíñas de Amegrove, Ares A, Ares B e Mugardos facéndose a traíña do Club do Mar co primeiro posto cun tempo de 20.16,50.

 

 

Os tempos foron on seguintes:

Traíña
Virada
Chegada
Ares B
10.07,00
22.31,40
Ares A
9.57,00
22.31,80
Mugardos
9.03,00
20.16,50
Amegrove
9.31,00
21.03,50

 

Diario de Ferrol “Mugardos venció en la regata aresana” [28/12/2012]

 

Resultado da “XXIII Bandeira Deputación Da Coruña”

Hoxe, 15 de Agosto, celebrouse no campo de regatas da Pobra do Caramiñal a “XXIII Bandeira Deputación da Coruña”. Na proba deportiva participaron os clubs da provincia da Coruña que compiten tanto na LGT-A como na LGT-B.

O día presentouse nubrado con algún chuvasco ocasional e vento do sudoeste que facía incomoda a remada pero non producía desigualdades nos carreiros do campo de regatas.

Na primeira tanda, composta polos clubs da LGT-B, impúxose Perillo con claridade entrando a 20 segundos de Puebla e entrando xa a case un minuto Esteirana e Rianxo.

Na segunda tanda destacáronse desde o comezo Cabo e Mugardos seguidos duns igualadísimos Ares e A Cabana que marcaron practicamente o mesmo tempo en todas a viradas. Finalmente facíase coa tanda Cabo seguido de Mugardos a 12 segundos. A pugna entre Ares e A Cabana resolvíase a favor da Cabana por 35 centésimas na liña de meta.

 

 

 

 

 Na clasificación final ningún dos equipos da LGT-B conseguiu superar os tempos da segunda tanda quedando a clasificación da seguinte forma:

  1. C.R. Cabo da Cruz
  2. C.M. Mugardos
  3. C.R. A Cabana
  4. C.R. Ares
  5. C.R. Perillo
  6. C.R. Puebla
  7. A.D. Esteirana
  8. C.R. Rianxo

A destacar a gran progresión da traíña mugardesa nas últimas semanas que lle está levar a conseguir os mellores resultados da tempada.

Tempos [todoremo.com]

“Las traineras de A Cabana, Ares, Mugardos y San Felipe, en A Pobra” La Voz de Galicia [14/08/2012]
“Mugardos logró la segunda plaza en aguas de A Pobra” Diario de Ferrol [16/08/2012]

 

XXX Bandeira Concello de Moaña

Este domingo, 30 de Xullo, disputouse en Meira (Moaña) a regata da liga correspondente a Samertolomeu. O día foi soleada e o mar encontrabase completamente en calma o que permitiu as traíñas entregar todo o seu potencial na competición. A regata retrasabase uns minutos por problemas na equipación das traíñas de Vilaxoán e A Cabana, que puideron solventar antes do comezo da regata.

Na primeira tanda vencía claramente Vilaxoán seguida de A Cabana que despois dunha dura disputa con Mugardos facíase co sexto posto e última entraba Ares.

A pelexa polo sexto posto na xeral poñíase ó roxo vivo co empate a puntos entre A Cabana e Mugardos, nunha temporada en que as dúas embarcacións da Ría de Ferrol están a amosar un rendemento moi parecido.

 
“Traíñas en xogo” co resumen de este fin de semana.

Na segunda tanda impoñíase Amegrove seguido de Chapela, Cabo (que se reivindicaba despoís do sexto posto en Mugardos) e Samertolomeu. Con esta nova victoria Amegrove ponse a tres puntos de Chapela a falta de tres regata puntuables para o fin da liga, dependendo os dous equipos dos seus resultados para facerse co titulo ligueiro.

Tempos da regata [ligalgt.com]

“Mugardos y A Cabana llegan igualados a las citas finales ” Diario de Ferrol [30/07/2012]


Actualización [06/08/2012]

Repaso a situación da LGT na xornada do 28/29 de Xullo na TVG2 ó non competir a LGT o primeiro fin de semana de Agosto por motivo do Campionato de España.


“Traíñas en xogo” do 05/08/2012
 
 

Resultado da “II Bandeira Reganosa”

Este sábado 28 de Xullo levouse a cabo a segunda edición da “Bandeira Reganosa” organizada polo Club do Mar de Mugardos. Este ano competiron na regata mugardesa os oito equipos da Liga A pertencentes a “Liga Galega de Traiñeiras”:

  • Chapela
  • Amegrove
  • Samertolomeu de Meira
  • Cabo da Cruz
  • Vilaxoán
  • A Cabana
  • Mugardos
  • Ares

O tempo acompañou a competición cun día soleado acompañado de vento do nordeste encarado na mesma dirección co campo de regatas, o que facía os longos en contra do vento un pouco máis duros; pero non dificultaba en exceso a remada das traíñas.

Na primeira quenda participaban os equipos da zona (Ares, A Cabana e Mugardos) xunto con Vilaxoán. Neste grupo destacaba a loita polo sexto posto, posto que conleva non remar o play-off , entre A Cabana e Mugardos coa traíña ferrolá a tan so dous puntos de ventaxa dos anfitrións.

Despois dunha saída nula, na que A Cabana foi sancianada con 5 segundos, comezou a proba cun Vilaxoán moi forte seguido de cerca de Mugardos e A Cabana, mentras que Ares quedaba descolgado. Conforme avanzaban os longos Vilaxoán e Mugardos mantiveron o ritmo, o que fixo que A Cabana se quedara atrás. Os bos tempos acadados permitirían as dúas traíñas mellorar o tempo de Cabo da Cruz que remaría posteriormente na segunda tanda, quedando 4ª Vilaxoán e 5ª Mugardos. A Cabana remataba 7ª cedendo dous puntos na xeral ante Mugardos, empatando a puntos, mentras que Ares remataba 8ª.

Na segunda tanda participaban os dous equipos favoritos para facerse coa liga: Chapela, líder na clasificación, e Amegrove, que viña de gañar as dúas últimas regatas. Unha primeira saída nula costaríalle a Amegrove unha penalización de 5 segundos.

Unha vez comezada a regata Chapela, nun alarde de forza, mantiña un ritmo durísimo o que iba deixando atrás a Amegrove e a Samertolomeu, mentrás que Cabo da Cruz descolgábase e quedaba rezagado. O final venzou con claridade Chapela seguido de Amegrove e a 5 segundos exactamente entraba Samertolomeu e xa a máis de 20 segundos Cabo. Este feito unido a penalización de 5 segundos de Amegrove fixo que Samertolomeu e Amegrove empataran co mesmo tempo 20:01:94, aínda que sería Amegrove o que se levaría a segunda praza o aplicarse a normativa vixente en caso de empate compartindo os dous segunda posición e mesmos puntos.

Chapela faciase coa “II Bandeira Reganosa” que lle era entregada por D. Emilio Bruquetas Director Xeral de Reganosa e mantiña o seu primeiro posto na xeral a catro puntos de Amegrove.

 

Tempos da regata [Ligalgt.com]

La Voz de Galicia [29/07/2012]
Faro de Vigo [29/07/2012]

 

Bandeiras de Ares e Redondela e Ruta da Auga

Novo fin de semana de competición, con cambios no taboleiro da Liga A, pasando a traíña do Club do Mar o sexto posto:

 

Camp. Galego Remo Olímpico, EDR 2012 e I Bandeira Sanxenxo

Outro fin de semana intenso para o Club do Mar na que se acumularon as competicións e a organización da EDR 2012:

    • Campionato Galego de Remo Olímpico Alevín, Infantil e Cadete 2012 na competición participaban 4 das xoves promesas do club acadando un gran resultado, quedando todos eles entre os 6 primeiros postos:
      • Skiff alevín [1x]: Jesús subcampión galego.
      • Skiff infantil [1x]: Marica 4º posto.
      • Skiff cadete [1x]: Mónica 4º posto e Leticia 6º posto.

Foto da regata preparatoria en Castrelo de Miño [13/05/2012]

“Éxito de los skiffs de Mugardos” La Voz de Galicia [05/07/2012]

    • EDR 2012, levouse a cabo a ruta “Entre Dúas Rías 2012” na que participaron o redor duns 300 ciclistas que recorreron os carreiros e pistas de Ares e Mugardos para acabar cunha churrascada no pavillón de Ares a exitosa ruta.

       
      Máis fotos: 1, 2, 3, 4, 5, 6, 7, 8, 9, 10, 11, 12, 13, 14, 15, 16

Vídeo de LANDEIRAXTR

 

 

I Bandeira de Sanxenxo, nesta primeira regata da LGT-A a traíña do club comezou con mal pe o ser descualificada por deixar a derradeira boia por estribor para resarcirse na segunda xornada acabando segunda na súa tanda e conseguindo o 6º posto.

“Traíñas en xogo” co resumen das regatas do fin de semana.

“Los locales no estuvieron finos en el debut de la competición en Sanxenxo” Diario de Ferrol [01/07/2012]

“Mugardos logra resarcirse de su mal inicio y termina sexto en Sanxenxo” Diario de Ferrol [02/07/2012]

Presentación da LGT 2012

Este sábado, 8 de Xuño, celebrouse en Sanxenxo a presentación da LGT para este ano 2012. O acto organizado polo Club de Remo Amegrove e o Concello de Sanxenxo realizouse na Praza do Mar da vila aínda que este veuse moi deslucido pola continua choiva que caeu durante toda a tarde de forma case ininterrompida.

Moitas das traíñas que tiñan planificado entrear en Sanxenxo cambiaron de idea ante o complicado estado do mar e so unhas poucas se atreveron a mollar as embarcacións.
O acto comezou as 20.00 horas coa actuación da escola de baile Cantodorxo o que seguiu o monologuista “Manolo o do Atleti” para dar paso a presentación da liga. O acto foi presentado por Terio Carrera e nel participaron a alcaldesa de Sanxenxo Catalina González, o Presidente da LGT Diego Portela e o Secretario Xeral para o Deporte José Ramón Lete Lasa entre outros.

A principal novidade da liga de este ano e a división da competición en dúas ligas, na que o Club do Mar de Mugardos despois de clasificarse na regata clasificatoria do pasado 6 de Abril remará na liga A.

 

La Voz de Galicia “La Liga alza el telón en Sanxenxo” [09/06/2012]

 

Resultados “Clasificatoria Campeonato Galego Traineriñas” 2012

Este pasado sábado, día 26 de Maio, celebrouse en Moaña a clasificatoria para o Galego de Traineriñas no que participou a tripulación absoluta masculina de Mugardos.

Á chegada ó campo de regatas moitos equipos víronse sorprendidos polas dificultosas condicións do campo de regatas cun mar moi movido e vento intenso procedente da entrada da ría de Pontevedra, polo que comezaron as presas por preparar os bota-augas e palcas das embarcacións así como outras solucións máis os estilo MacGyver.
Co comezo das regatas puido comprobarse que estas preparacións de última hora non foron en balde pois comezaron os saltos nas traineriñas e os longos en contra do vento e mar facíanse eternos en comparación cos de volta.

Na categoría Absoluta Feminina conseguiron o seu pase para a final as tripulacións de S.D. Samertolomeu, C.M. Bueu, C.R. Cabo da Cruz, S.D. Tirán e C.R. Ares.

A categoría Xuvenil Masculina foi a máis accidentada das tres categoría en competición e na que a traineriña do C.R Cesantes abandonaba a competición despois de perder un dos seus remeiros na segunda virada.

En Xuvenil pasaron a final A.D. Esteirana, Amegrove C.R., C.R. Rianxo, C.R. Rianxo, C.R. Cabo da Cruz, e C.R. Ares.

Na categoría Absoluta Masculina participaba Mugardos cunha embarcación prestada por Amegrove. Os remeiros do Club do Mar non conseguiron encontrar a súa remada en toda a regata e acabaron en última posición da súa tanda quedando fora da final.

 
 
Na categoría Absoluta Masculina clasificabanse C.R. Cabo da Cruz, C.R. Moaña, S.D. Tirán, C.R. Chapela e C.R. Vilaxoán.
 

todoremo.com “Tempos e Clasificacións”

El diario de Ferrol “Las dos trainerillas de Ares lograron en Tirán el pase a las finales del Campeonato Gallego” [27/05/2012]

Acto de presentación da nova traíña do Club do Mar

O Club do Mar de Mugardos presentará publicamente a nova traíña da sociedade, de nome Bestarruza, nun acto que terá lugar este venres (25 de Maio) as 18.00 horas diante do local social do club e o que están convidados tódolos socios e seareiros do club.

O programa do acto será o seguinte:

  • Recepción de autoridades e convidados entre os que se atoparán persoeiros de institucións públicas e privadas relacionadas co deporte e o mundo empresarial, tanto a nivel autonómico como local e comarcal. 
  • Presentación do acto ó longo do cal intervirán algúns dos persoeiros así como o Presidente da sociedade, e no que se presentará a recén adquirida traíña, patrocinada pola empresa Reganosa, que será bautizada en presenza da madriña da embarcación, a socia María Fariña Vázquez.
  • Entrega dun recordo ás empresas colaboradoras co Club do Mar na pasada tempada, así como unha distinción especial á empresa  Reganosa polo patrocinio da traíña na pasada edición da Liga Galega de Traíñas, coa entrega ós seus Directivos dunha réplica da bandeira da “ I Bandeira de Traíñas Reganosa”, bordada a man por unha artesá mugardesa.
  • Rematando o acto, e tras unha sesión fotográfica en lembranza do acontecemento, servirase un ágape diante do club e porase fin ó acto.
 

[Actualización 25/05/2012]

 

 

 

Todoremo.com “Mugardos se viste de largo” [25/05/2012]
Diario de Ferrol “El Club del Mar de Mugardos confía en su ‘Bestarruza'” [26/05/2012]

 

Resumo da Regata Clasificatoria da LGT

Os pasados días 5 e 6 de Abril, Xoves e Venres, celebrouse en Meira (Moaña) a clasificatoria para decidir a composición das Ligas que comporán a LGT. A clasificatoria disputouse nun formato a dúas regatas contrarreloxo no que o primeiro día clasificábanse cinco traíñas e no segundo tres para participar na Liga A, competindo as nove traíñas restantes na Liga B.

O primeiro día presentouse con ceos despexados pero cun molesto vento que complicaba a remada das traíñas. Nesta primeira xornada non houbo sorpresas ó clasificarse as cinco embarcacións favoritas (Chapela, Amegrove, Cabo, Meira e Vilaxoán); pero no que a traíña de Mugardos mostraba o seu potencial quedando soamente a 8 segundos e medio de Vilaxoán e rozando o ascenso a Liga A. Mentras o resto de traíñas que optaban a pelexar polos tres postos restantes no seguinte día optaban por unha estratexia máis conservadora reservando forzas para a seguinte proba entrando a máis de 30 segundos da traíña de Mugardos.

O segundo día presentábase cunhas nubes ameazantes con choiva pero cun vento moito máis frouxo que permitirían as traíñas baixar os cronos do día anterior. O pouco prometedor día non disuadiu o abundante público que practicamente repetía o número do soleado día anterior, todos eles expectantes por coñecer como quedarían conformadas as ligas do novo formato da LGT.

 
 
 
 
 

Na segunda contrarreloxo sí que a apareceron as sorpresas e Mugardos, que non pareceu pagar o cansanzo da xornada anterior, volveu marcar o mellor crono cun tempo de 20:07,22 a tan so 3 centésimas da traíña da Cabana que se facía co segundo posto en liza. Ares facíase co último posto para a Liga A ó superar a uns dos favorito, Perillo, por pouco menos de 3 segundos. A traíña de Perillo quedábase as portas da liga boa tras diversos problemas na regata como a lesión dun dos remeiros que non puido rematar a regata e problemas cun dos remos.

Desta forma a traíña do Club do Mar de Mugardos conseguía un posto para a Liga A no seu segundo ano na competición, gracias o esforzo e traballo dos seus remeiros conseguindo un tremendo éxito para o Club.

Tempos da primeira xornada [todoremo.com]
Tempos da segunda xornada [todoremo.com]

El Diario de Ferrol “La Liga Gallega de Traineras tomará forma durante las dos próximas jornadas” [05/04/2012]
ligalgt.com “Mugardos, A Cabana e Ares completan a LGT-A” [06/04/2012]
La Voz de Galicia “Chapela domina la previa de la Liga Gallega de Trainera” [06/04/2012]
El Diario de Ferrol “Mugardos, A Cabana y Ares formarán con los mejores en la Liga Galega ” [08/04/2012]


O presidente do Club do Mar, Guillermo Pereira,
comenta o éxito da traíña do Club para “Galicia en Goles”.
(A entrevista comeza a partir do minuto 6:35).

Actualización [10/04/2012]
La Voz de Galicia “Mugardos estrena trainera y tripulación y da un salto de nivel” [10/04/2012]

Galería 1ª Xornada

Galería 2ª Xornada