Posts

Posted on

Resultados Campionato de España de Bateis

O pasado domingo 28/04/2024 o Club do Mar de Mugardos competiu no campionato de España de Bateis, disputado na Pobra do Caramiñal, tras clasificar as tripulacións absoluta feminina e alevín feminina.

As rapazas da categoría absoluta competían contra Kaiku, Mecos, Arraun e Castropol na eliminatoria e remataban no cuarto posto quedando fora dos postos que daban o pase a final A.

Mellor resultado conseguía a tripulación alevín feminina que clasificabase segunda na eliminatoria do sábado para facerse coa medalla de bronce na final do domingo.

Continue reading “Resultados Campionato de España de Bateis”
Posted on

Resultados Campionato Galego de Bateis

O Club do Mar de Mugardos competiu o pasado 21/04/2024 no Campionato Galego de Bateis disputados na Pobra do Caramiñal cos seguintes equipos:

  • Alevín Feminino
  • Absoluto Feminino

Conseguindo clasificarse para o Campionato de España de Bateis con ámbolos dous equipos, tras acadar un 4º posto na categoría Absoluta Feminina e alzándose coa prata na categoría Alevín Feminino.

[2024] 2º Posto - Alevín Fem - Cpto Galego Bateis
[2024] 2º Posto – Alevín Fem – Cpto Galego Bateis
Continue reading “Resultados Campionato Galego de Bateis”
Posted on

Aviso actualización cotas

Segundo o acordo acadado na Xunta Xeral Ordinaria de Socio do pasado 4 de febreiro a partir do próximo trimestre comezará a cobrarse as cotas actualizadas de socios que pasan a ser de 4€ mensuais.

A si mesmo comezará a cobrarse unha cota ós socios que desexen empregar a sala de fitness do club. Esta nova cota será de 10€ mensuais e deberá ser domiciliada bancariamente mediante o seguinte formulario de adeudo SEPA.

Os socios que estaban a empregar a sala de fitness, dispoñen do presente mes de marzo para cubrir o novo formulario indicando o seu número de chave (o número gravado fisicamente na chave de acceso). Ó comezar o mes de abril deshabilitaranse todas as chaves que non estén asociadas ó correspondente adeudo bancario.

Recorda podes seguir as novas do club na nosa canle de WhatsApp

Resumo novas cotas:

  • Cota mensual socio 4€
  • Cota mensual sala fitness 10€
  • Período de actualización de datos acceso sala fitness ata 01/04/2024

Posted on

O deputado de Deportes, Antonio Leira, visitou o Club do Mar de Mugardos

Noticia na web da Deputación Da Coruña do 01/03/2024

O deputado responsable da área de Deportes, Antonio Leira, xunto co alcalde de Mugardos, Juan Domingo de Deus, e membros da corporación municipal, visitou o Club do Mar de Mugardos, onde se interesou polo funcionamento da entidade e as súas necesidades de cara a ao futuro.

https://www.dacoruna.gal/novas/ficha-noticia-reducida?id_evento=23355

Continue reading “O deputado de Deportes, Antonio Leira, visitou o Club do Mar de Mugardos”
Posted on

CONVOCATORIA DE XUNTA XERAL ORDINARIA E EXTRAORDINARIA 04/02/2024

Club do Mar de Mugardos
 R/Cantón de Cora Nº16
 15620 Mugardos (A Coruña)
 TLF. E FAX: 981 470170
 

CONVOCATORIA DE XUNTA XERAL ORDINARIA DE SOCIOS/AS

De conformidade co acordo da Xunta Directiva celebrada o pasado 12 de xaneiro de 2024, convócase Xunta Xeral Ordinaria de Socios/as do CLUB DO MAR DE MUGARDOS, para a súa celebración en Mugardos, no local social do Club do Mar, situado na Rúa Cantón de Cora, Núm. 16, O VINDEIRO 4 DE FEBREIRO DE 2024 ás 11.00 horas, en primeira convocatoria; e ás 11.30 horas en segunda convocatoria, co gallo de deliberar e, no seu caso, adoptar acordos sobre os asuntos incluídos na seguinte: 

ORDE DO DÍA

  1. Lectura e aprobación da acta anterior, se procede.
  2. Informe económico do ano 2023.
  3. Informe deportivo e de actividades do ano 2023.
  4. Situación actual do club e proxectos para a tempada 2024.
  5. Proposta da directiva para a modificación da cota dos socios/as.
  6. Rogos e preguntas.

CONVOCATORIA DE XUNTA XERAL EXTRAORDINARIA DE SOCIOS/AS

A directiva do Club do Mar de Mugardos convoca Xunta Xeral Extraordinaria de Socios/as do CLUB DO MAR DE MUGARDOS, para a súa celebración en Mugardos, na Cantina do Club do Mar, situado na Rúa Cantón de Cora, Núm. 16, o vindeiro 4 de febreiro de 2024 ó remate da Xunta Ordinaria previa, co gallo de tratar a seguinte orde do día:

1. Solicitude dun préstamo a entidade “ABANCA” para a adquisición de material deportivo obxecto dunha subvención da Deputación da Coruña.
2. Facultar a Don Eliseo Reborido Mato, na súa condición de presidente, para a firma do citado préstamo.

Mugardos, a 12 de xaneiro de 2024.

O PRESIDENTE

Eliseo Reborido Mato

Posted on

Data e horario de cobro da Lotería de Nadal

Actualización de datas e horario de cobro da lotería de nadal.

O premio poderase cobrar no local social do Club do Mar de Mugardos do martes 2 ó venres 5 de xaneiro de 2024 en horario de 17:00 a 19:00 horas.

Para datas posteriores as participacións poderanse cobrar os venres en horario de tarde, de 17:00 a 19:00 horas..

Posted on

Lotería Nadal 2034 e comprobador de premios

Inocentada do 2023

Ante o éxito en ventas e en reparto de premios en anteriores anos, o Club do Mar de Mugardos pon a disposición de tódolos socios un novedoso sistema de venta de lotería de nadal e comprobación de premios mediante IA en tempo real.

Este novo sistema permite tanto elixir o número xogado, como comprobar o premio de forma previa mediante o uso de IA cun porcentaxe de acerto do 87,5%*.

Lotería de Nadal IA Powered

Número:

Ano do sorteo:

Son socio do Club do Mar

Premio:

*Porcentaxe de acerto non garantido