Web do Club do Mar de Mugardos
Nova galería fotográfica con fotos das Festas do Carmen en Mugardos no ano 1994.
As festas de ese ano comezaron o venres 15 de Xulio de 1994 cun desfile de carrozas seguido pola actuación dos grupos “Barrok” e “Bonitos del Norte“, xa pola noite. O sábado levouse a cabo a “IV Festa do Polbo”. O domingo realizouse a tradicional procesión marítima, celebrouse unha regata de yolas por parte do Club do Mar e rematouse cun espectáculo pirotécnico pola noite.
Este fin de semana a “Liga Galega de Traiñeiras” chegou a súa conclusión coa XVII Bandeira Concello de Vilagarcía realizada en Vilaxoán. A liga terminou seguindo a tónica habitual durante este ano, é dicir coa vitoria de Amegrove que gañou as 17 regatas da temporada; logrando así rebalidar o título de campión que xa lograra o ano pasado e batendo o record de vitorias consecutivas da liga. Detrás de Amegrove na xeral quedaron 2º Chapela e 3º Cabo da Cruz.
 |
 |
Nesta última regata a loita centrouse na loita polo 6º posto entre Mecos-Mondariz e Salgado-Perillo que partían empatados a 118 puntos; pero finalmente a 6ª posición foi para Salgado-Perillo que conseguía impoñerse a Mecos-Mondariz por 5 segundos.
 |
 |
Na parte baixa da clasificación a loita centrouse entre Rianxo, Mugardos e Puebla que partían con 61, 56 e 56 puntos respectivamente. Tras unha gran regata de Mugardos na que rematou 8º lograba asegurarse a 12ª posición con respecto a Rianxo e poñía en serios apuros a Puebla que por un punto conseguía manter a 11ª posición.
 |
 |
Destacar o bo desempeño do noso Club na súa primeira participación na LGT, que a pesar dun comezo bastante malo no mes de Xuño conseguía escalar postos gracias ós grandes resultados acadados durante Agosto.
Ó remate da regata realizouse un acto no que se fixo entrega das bandeiras os campións das ligas tanto masculina como feminina e entregáronse os premios de mellor patrón “Visqui” de Rianxo, mellor pica Gustavo Vázquez de Cabo e o equipo revelación que foi para Vilaxoán.
 |
 |
Clasificación da LGT “ligalgt.com”
Galería Bandeira Vilagarcía
Galería Bandeira Cidade de Ferrol
Despois do problema do día 23 de Xullo a I Bandeira Reganosa levouse a cabo o pasado sábado, 13 de Agosto. A forte corrente na ría fixo que non fora posible montar o campo de regatas para a competición en quendas de cinco embarcación polo que finalmente a regata disputouse en modo contrarreloxo.
Ver I Bandeira Reganosa no mapa
Nun día cun vento cambiante aínda que non de moita intensidade, no ceo alternáronse durante toda a tarde claros e nubes, o que non desanimou o abundante público a presenciar a competición.
Na primeira quenda impúxose a traíña mugardesa empuxada polos ánimos dos xiareiros locais cun tempo de 22:10,22 que serviríalle para acadar a décima posición na clasificación final. Acadando con este resultado subir un posto na clasificación da Liga, ascendendo a duodécima posición.
|
 |
 |
Na segunda quenda facía o mellor tempo a traíña de Salgado-Perillo cun tempo de 21:39,90 e na terceira impoñíase con autoridade Amegrove, cun tempo de 20:34,36. O equipo do Grove con esta vitoria levaba a bandeira e igualaba a traíña de Samertolomeu do 2006 no seu record de 11 vitorias consecutivas na Liga Galega de Traiñeiras.
Ó remate da regata Emilio Bruquetas Director Xerente de Reganosa entregaba a bandeira ó patrón da traíña de Amegrove dende a embarcación disposta para as autoridades, rematando o evento coa entrega de premios ós clubs. Os premios foron entregados por María Dolores Faraldo Botana vicepresidenta da Deputación da Coruña, Xosé Fernández Barcia alcalde de Mugardos, Xosé Antón Bouza Concelleiro de Deportes de Mugardos, Iria Rodriguez Martinez relacións públicas de Gadisa, Mónica Fernández Linares Primer Teniente Alcade de Mugardos e Carlos Vales Director de Explotación de Reganosa.
Resultados da I Bandeira Reganosa “LGT”
Amegrove no tiene rival en la LGT “todoremo.com”
Amegrove se impuso en la Bandeira Reganosa en Mugardos “El Diario de Ferrol 14/08/2011”
Amegrove ondea la Bandera de Reganosa al ganar contrarreloj “La Voz de Galicia 14/08/2011”
O vindeiro domingo 14 de Agosto o Club do Mar de Mugardos xunto coa asociación Porto Magno organizarán en Mugardos o primeiro “Entroido de Verán”, no que se realizarán diversos eventos de ámbito familiar durante todo o día.
Durante a celebración deste peculiar entroido realizaranse:
A idade recomendada para a actividade e partir dos 6 anos; pero para fomentar a iniciación na bici dos máis pequenos, os cativos que non realicen a ruta principal poderán participar nuha mini ruta que realizarase polo peirao de Mugardos e que non terá ningún costo asociado.
Colaboran coa ruta:
 |
 |
 |
[Actualización 15/08/2011]
O pasado 31 de Xullo a sección de ciclismo do Club do Mar participou nas 24 horas de Somozas Bike unha carreira de resistencia, na que se competiu 24 ou 12 horas nun circuíto de mountain bike duns 12 quilómetros en diversas categorías. Os gañadores foron os equipos que conseguiron dar máis voltas ó circuíto no tempo establecido.
Os resultados dos Pulpeiros BTT nas “24 Somozas” foron os seguintes:
Magníficos resultados acadados polos Pulpeiros BTT tendo en conta a presencia de equipos semiprofeionais na competición.
Mañá, día 23 de Xullo, celebrarase en Mugardos a “I Bandeira Reganosa de Traíñas” pertencente a “Liga Galega de Traiñeiras”. A bandeira organizada polo Club do Mar de Mugardos e a LGT está patrocinada por Reganosa e foi presentada onte, día 22 de Xullo, no concello ante os medios de comunicación.
Efectuaron a presentación o presidente do Club do Mar, D. Guillermo Pereira, o Director de Operacións de Reganosa, D. Carlos Vales e o alcalde da vila D. Xosé Fernández Barcia.
 |
 |
Na regata compiten as catorce traíñas que disputan a Liga e poderá verse dende as 19.00 h. dende o peirao do pobo.
O campo de regata para a proba, composto de 4 longos de 1389 metros, parte do extremo do peirao e atravesa a ría cara o porto do carbón en Ferrol.
Despois da regata as 20.30 comezará na carpa situada diante do Club do Mar a “Festa da Traíña”, na que se poderá disfrutar de mexillóns, empanada, viño e moita música. A consumición será de balde para os socios e a 3€ para o resto da xente.
La Voz de Galicia 22/07/2011 “La primera bandera Reganosa devuelve las traineras a Mugardos”
Diario de Ferrol 22/07/2011 “Mugardos, primera parada de la liga gallega de traineras en Ferrolterra”
[Actualización 24/07/2011]
Diario de Ferrol 24/07/2011 “La rotura del tren de balizaje impidió que se disputase la Bandera Reganosa”
Diario de Arousa 24/07/2011 “Suspenden la regata en Ferrol después de que una lancha arrollase el tren de balizaje “
La Voz de Galicia 24/07/2011 “Suspenden la regata de traineras de Mugardos al soltarse una baliza”
Boa actuación das remeiras alevíns do Club do Mar no pasado “Campionato de España de Remo Olímpico” realizado os días 8-10 de Xullo en Castrelo de Miño Ourense. Neste campionato participaron 74 clubs de toda España presentándose 410 embarcacións a competición.
Representando ó Club participaron Marica López na categoría alevín feminino e Mónica Rodríguez en infantil feminino acadando excelentes resultados a dúas no skiff, embarcación na que competían.
Mónica acadou a final B mentres que Marica lograba pasar a a final do campionato logrando finalmente o quinto posto na súa categoría.
Dende o Club do Mar gustaríanos felicitar as dúas polo resultado obtido froito do duro traballo realizado esta tempada.
Medallero Cto. España A, I, C y Adap. [Federación Española de Remo]
O fin de semana pasado leváronse a cabo a segunda e a terceira regata da LGT a “I Bª Cofradía de Pescadores de San Roque Portonovo” e a “VI Bandeira Concello de Muros” os días 2 e 3 de Xullo respectivamente.
As dúas bandeiras víronse marcadas polo bo tempo con días calurosos e soleados e cun mar en perfecto estado para regatear. A presencia de público foi boa en ámbalas dúas regatas aínda que bastante maior na de Portonovo o tratarse dunha vila cun forte tirón turístico na época estival. Debido as altas temperaturas moitos bañistas puideron seguir as regatas dende as praias próximas mentras disfrutaban dun baño.
|
 |
 |
No eido deportivo Amegrove impúxose con autoridade nas dúas regatas afianzándose na posesión do mallot amarelo que distingue o primeiro clasificado na liga. A tres puntos os segue a traíña de Chapela que repetiron segundo posto nas dúas regatas.
|
 |
 |
Na parte baixa da clasificación Ares, Rianxo e Puebla empatan a 11 puntos seguidos por Esteirana con 9 e Mugardos con 3.
|
 |
 |
Resultados da Bandeira de Portonovo “LGT”
Resultados da Bandeira de Muros “LGT”
Vídeo : Breve resumo da Bandeira de Muros “TVG”
Galería Fotográfica da Bandeira de Portonovo
Galería Fotográfica Bandeira de Muros
Onte, 24 de Xuño de 2011, deu comezo as actividades de verán do Club do Mar de Mugardos coa realización dunha sardiñada popular en apoio do Club, a cal contou cun notable éxito de asistencia.
Durante todo o verán levaranse a cabo unha serie de actividades nas que inclúense actividades deportivas, xogos populares e festas gastronómicas.
Dentro de estas actividades inclúense eventos tan importantes como a “I Bandeira de Traiñas do Club do Mar” ou a “Ruta BTT EDR 2011”.
Onte, sábado día 18 de Xuño, celebrouse en Rianxo a presentación da “Liga Galega de Traiñeiras” na súa edición 2011 a que acudiron os 14 clubs participantes e un bo número de espectadores.
O cedo da hora para levar as traíñas a expoñer no evento e a regata de veteranos en honor a Xoubeiro, histórico patrón de Rianxo, fixo que varios clubs se animaran a entrear en Rianxo antes do comezo da presentación.
|
 |
 |
O acto de presentación celebrado na Praza de Castelao comezou as 21.30 horas e nel presentouse o calendario da liga, a novidade de un maillot amarelo que será lucido polo patrón da traíña que encabece a clasificación da liga e presentáronse as 14 tripulacións que remarán na liga de este ano. Destando como principal novidade a participación do Club do Mar de Mugardos por primeira vez na LGT.
Na presentación tamén interviñeron Don Diego Portela presidente da liga e Don José Ramón Lete Lasa secretario xeral para o deporte para concluír o acto co sorteo das quendas para a primeira regata da liga que se disputará o día 26 de Xuño en Chapela, quedando as quendas da seguinte forma:
O acto presentado por Terio Carrera e amenizado polo cómico Federico Pérez Rey, Josito en “Padre Casares“, foi dinámico e ameno en todo momento dando como resultado un gran acto de presentación, tan so ensombrecido pola hora en que se levou acabo. O tardío da hora fixo que os remeiros tiveran que pasar practicamente todo o día en Rianxo e a última hora notábase o cansancio en moitos deles.
Nova páxina da LGT
Breve resumo na TVG [Vídeo]
