I Premio Estudo e Deporte

É unha iniciativa do IES Mugardos en colaboración co Concello de Mugardos, o Club do Mar de Mugardos e o Club de Fútbol Galicia de Mugardos, para premiar aos estudantes do centro que mellor se desenvolven nos aspectos social, deportivo e académico e así poñer en valor aos xoves con habilidades sociais capaces de organizarse e de programar o seu tempo con eficacia para render positivamente nos estudos e no deporte.

OBXECTIVOS

  • Premiar e valorar o esforzo dos estudantes-deportistas do IES Mugardos.
  • Promocionar a cultura do “xogo limpo”.
  • Potenciar as actividades deportivas
  • Mellorar o rendemento escolar. 
  • Incentivar valores sociais, deportivos e académicos.
  • Integrar os ámbitos escolar e deportivo.

PARTICIPANTES

Alumnado do IES de Mugardos que practica deportes ou actividades deportivas regulamentadas e federadas, individuais ou colectivas, coa supervisión dun adestrador ou adestradora.
Será necesario que a entidade deportiva á que está vinculado o alumnado deportista, estea disposta a participar nesta iniciativa.

PREMIOS

Haberá dous premios -feminino e masculino- por categoría. En caso de empate decide á maior puntuación no rendemento académico.
Os premios consistirán en diploma, trofeo e dotación económica.
Farase a entrega dos premios no salón de actos do Instituto de Mugardos no mes de xuño dentro do acto cultural de remate do curso 2011-2012.

ENTIDADES DEPORTIVAS E NÚMERO DE DEPORTISTAS:

Entidad deportiva Número de deportistas
Club de Fútbol Galicia de Mugardos 27
Club de Fútbol Galicia de Caranza 1
Club do Mar de Mugardos 12
Club de Fútbol Maniños 1
Club de Remo de Ares 10
BTT Mugardos (Club do Mar Mugardos) 1
Club de Fútbol Numancia de Ares 8
Kárate, EKF 1
Club de Fútbol Racing de Ferrol 2
Kárate Mugardos 1
Kárate Ares 2
Blc Basquetmi Ferrol 1
Kárate Franza 2
Tiro con arco Ferrol 1
Kárate Narón 2
Tiro con arco Ares 1

Documentación do premio [PDF]

El Diario de Ferrol “Mugardos reconoce a sus ‘estudiantes-deportistas’ “

Resumo da Regata Clasificatoria da LGT

Os pasados días 5 e 6 de Abril, Xoves e Venres, celebrouse en Meira (Moaña) a clasificatoria para decidir a composición das Ligas que comporán a LGT. A clasificatoria disputouse nun formato a dúas regatas contrarreloxo no que o primeiro día clasificábanse cinco traíñas e no segundo tres para participar na Liga A, competindo as nove traíñas restantes na Liga B.

O primeiro día presentouse con ceos despexados pero cun molesto vento que complicaba a remada das traíñas. Nesta primeira xornada non houbo sorpresas ó clasificarse as cinco embarcacións favoritas (Chapela, Amegrove, Cabo, Meira e Vilaxoán); pero no que a traíña de Mugardos mostraba o seu potencial quedando soamente a 8 segundos e medio de Vilaxoán e rozando o ascenso a Liga A. Mentras o resto de traíñas que optaban a pelexar polos tres postos restantes no seguinte día optaban por unha estratexia máis conservadora reservando forzas para a seguinte proba entrando a máis de 30 segundos da traíña de Mugardos.

O segundo día presentábase cunhas nubes ameazantes con choiva pero cun vento moito máis frouxo que permitirían as traíñas baixar os cronos do día anterior. O pouco prometedor día non disuadiu o abundante público que practicamente repetía o número do soleado día anterior, todos eles expectantes por coñecer como quedarían conformadas as ligas do novo formato da LGT.

 
 
 
 
 

Na segunda contrarreloxo sí que a apareceron as sorpresas e Mugardos, que non pareceu pagar o cansanzo da xornada anterior, volveu marcar o mellor crono cun tempo de 20:07,22 a tan so 3 centésimas da traíña da Cabana que se facía co segundo posto en liza. Ares facíase co último posto para a Liga A ó superar a uns dos favorito, Perillo, por pouco menos de 3 segundos. A traíña de Perillo quedábase as portas da liga boa tras diversos problemas na regata como a lesión dun dos remeiros que non puido rematar a regata e problemas cun dos remos.

Desta forma a traíña do Club do Mar de Mugardos conseguía un posto para a Liga A no seu segundo ano na competición, gracias o esforzo e traballo dos seus remeiros conseguindo un tremendo éxito para o Club.

Tempos da primeira xornada [todoremo.com]
Tempos da segunda xornada [todoremo.com]

El Diario de Ferrol “La Liga Gallega de Traineras tomará forma durante las dos próximas jornadas” [05/04/2012]
ligalgt.com “Mugardos, A Cabana e Ares completan a LGT-A” [06/04/2012]
La Voz de Galicia “Chapela domina la previa de la Liga Gallega de Trainera” [06/04/2012]
El Diario de Ferrol “Mugardos, A Cabana y Ares formarán con los mejores en la Liga Galega ” [08/04/2012]


O presidente do Club do Mar, Guillermo Pereira,
comenta o éxito da traíña do Club para “Galicia en Goles”.
(A entrevista comeza a partir do minuto 6:35).

Actualización [10/04/2012]
La Voz de Galicia “Mugardos estrena trainera y tripulación y da un salto de nivel” [10/04/2012]

Galería 1ª Xornada

Galería 2ª Xornada

Resumo da “I Contrarreloxo Club do Mar – Pulpeiros BTT”

Este sábado,día 31 de Marzo de 2012, levouse a cabo a “I Contrarreloxo Club do Mar – Pulpeiros BTT” na que participaron máis de 100 ciclistas. A contrarreloxo comezou no horario previsto e cun tempo marcado polos ceos despexados e as temperaturas agradables, aínda que cara última hora o fume do incendio nas fragas do Eume chegou a escurecer o ceo por momentos.
A proba desenrolouse según o previsto nun circuíto moi divertido que partía dende o peirao da vila para despois recorrer carreiros de todo o pobo conformando un circuíto de 16 km ó que era necesario dar dúas voltas na categoría masculina e unha volta na categoría feminina. A chegada realizouse no mesmo punto de partida, diante do local social do Club do Mar, na que estaba situada o avituallamento para os esgotados ciclistas.

O mellor tempo na categoría masculina foi de 1 hora 11 minutos e 59 segundos, namentres que a máis rápida das mulleres completaba o circuíto en 52 minutos e 59 segundos.

A contrrreloxo concluíu coa entrega de trofeos e premios para os ciclistas cos mellores tempos.

Dende o Club do Mar agradecemos a tódolos colaboradores do evento, sen a súa colaboración non sería posible realización da proba (Concello de Mugardos, Eumebike, CiclosRoca e Powerade); pero gustaríanos agradecer de forma moi especial a colaboración da Policía Municipal de Mugardos e os voluntarios de Protección Civil, cuxo esforzo foi imprescindible para a bo desenrolo e seguridade da contrarreloxo.

O fume chegou a escurecer o ceo por momentos

Tempos e clasificación da contrarreloxo [PDF 60KB]

Fotos de Alberto Fdez [facebook]
Fotos do Club do Mar [facebook]
Fotos de Javier Vilar [picasaweb]
Fotos de 10595354255906727… [picasaweb]
Fotos de Ramón Romero [Google Plus]