Web do Club do Mar de Mugardos
O sábado 21 de setembro a partir das 13:00 horas (retirada de tickets dende dende as 12:00) realizarase un evento gastronómico no C.M de Mugardos no que os socios da entidade poderán degustar de balde paella e mexilóns, limitado a unha ración de cada un dos pratos por socio. Os non socios tamén poderán participar na degustación e colaborar no mantemento do club quedando o prezo dos pratos en 5€ para os mexilóns e 8€ a paella.
O evento estará amenizado pola música de DJ Mike.
A tripulación cadete masculina do club acadou hoxe, 19 de maio de 2024, a medalla de bronce na final do Campionato Galego de Traiñeriñas disputada en Tirán (Moaña).
O pasado venres, 10 de maio de 2024, a corporación municipal do Concello de Mugardos recibía no salón de plenos do concello a tripulación alevín feminina do Club do Mar de Mugardos que acadou o bronce no Campionato de España de Bateis do 28/04/2024.
No acto o Alcalde D. Juan Domingo de Deus Fonticoba e o Concelleiro D. José Miguel Mahía Prados entregaban a tripulación do club unha bandeira conmemorativa co escudo da vila.
O pasado domingo 28/04/2024 o Club do Mar de Mugardos competiu no campionato de España de Bateis, disputado na Pobra do Caramiñal, tras clasificar as tripulacións absoluta feminina e alevín feminina.
As rapazas da categoría absoluta competían contra Kaiku, Mecos, Arraun e Castropol na eliminatoria e remataban no cuarto posto quedando fora dos postos que daban o pase a final A.
Mellor resultado conseguía a tripulación alevín feminina que clasificabase segunda na eliminatoria do sábado para facerse coa medalla de bronce na final do domingo.
O Club do Mar de Mugardos competiu o pasado 21/04/2024 no Campionato Galego de Bateis disputados na Pobra do Caramiñal cos seguintes equipos:
Conseguindo clasificarse para o Campionato de España de Bateis con ámbolos dous equipos, tras acadar un 4º posto na categoría Absoluta Feminina e alzándose coa prata na categoría Alevín Feminino.
![[2024] 2º Posto - Alevín Fem - Cpto Galego Bateis](https://www.clubdomarmugardos.com/wp-content/uploads/2024/04/439741232_920551476535779_8071033996714649537_n-1024x567.jpg)
Segundo o acordo acadado na Xunta Xeral Ordinaria de Socio do pasado 4 de febreiro a partir do próximo trimestre comezará a cobrarse as cotas actualizadas de socios que pasan a ser de 4€ mensuais.
A si mesmo comezará a cobrarse unha cota ós socios que desexen empregar a sala de fitness do club. Esta nova cota será de 10€ mensuais e deberá ser domiciliada bancariamente mediante o seguinte formulario de adeudo SEPA.
Os socios que estaban a empregar a sala de fitness, dispoñen do presente mes de marzo para cubrir o novo formulario indicando o seu número de chave (o número gravado fisicamente na chave de acceso). Ó comezar o mes de abril deshabilitaranse todas as chaves que non estén asociadas ó correspondente adeudo bancario.
Recorda podes seguir as novas do club na nosa canle de WhatsApp
Resumo novas cotas:
