28 dic. 2013

PC-Traíñas 2013


[Actualización 29/12/2013] Esta noticia evidentemente foi unha inocentada.
O club do mar acaba de firmar un convenio coa compañía de software "Bytes da Ría" para desenrolar un videoxogo de xestión deportiva sobre o mundo do remo.

O videoxogo que levará como título "PC-Traíñas 2013" porá ó xogador no papel de xestor dun dos equipos da LGT, tendo que xestionar tanto o apartado deportivo como organizativo da entidade.

Os xogadores terán que enfrontarse o reto de conseguir financiamento mediante empresas privadas ou subvencións publicas para así acadar o presuposto necesario para formar o seu equipo de ensoño.

No apartado deportivo terán que xestionar a canteira, fixaches, compra de material deportivo, desenrolo de novas tecnoloxías adicadas o remo e ampliación das instalacións do club. O xogo contará coas plantillas do ano 2013 de todos os equipos LGTA e LGTB incorporando a opción de realizar fixaches na ACT e ARC.

Un dos apartados esenciais da xestión dos equipos será a xestión da cantina de cada un dos clubs, influíndo a calidade do servizo e dos pinchos no estado de ánimo tanto dos socios como dos remeiros.

O xogo desenrolarase para as plataforma PC, PS4, Wii,  Android, Super Nitendo e Comodore e con el o Club do Mar pretende fomentar a participación no deporte do remo das novas xeracións.

8 ago. 2013

Festa Pirata e IV Festa de Verán

Este presente mes de agosto ven cargado de eventos no Club do Mar:

  • Do 9 ó 10 de agosto, coincidindo coa Festa Pirata que se leva a cabo no peirao mugardés, realizaránse degustacións gastronómicas de cigalas, polbo a feira ou churrasco ó mediodía e a noite-tarde. A ración terá un prezo de 10€.
  • Sábado 10 as 17.30 horas realizarase unha regata de bateis para as categoría inferiores. Nela participarán os clubs de C.R. de Celeiro, C.R. San Felipe, C.R. Fontán-Sada, C.R. Mera, C.R. Narón, C.R. A Cabana, C.R. Cedeira, C.R. Perillo e o Club do Mar de Mugardos.



O día 17 de agosto celebrarase a IV Festa de Verán do Club do Mar, que contará cos seguintes actos:

  • Ruta de iniciación a BTT, para nenos a partir dos 6 anos e os seus pais. Para participar será imprescindible un bo manexo da bicicleta e o emprego de casco. A saída realizarase as 10.00 da maña diante do local do club e a ruta incluirá avituallamento e sorteo de agasallos. O prezo será de 3€ para os socios e de 5€ para o resto. A inscrición pode realizarse neste formulario, podendose comprobar a inscrición neste outro.
  • A partir das 13.00 horas comezarán as degustacións de polbo a feira ou navallas, incluíndo cachelo, pan e viño o prezo de 10€.
  • Durante a tarde estarán dispoñibles para os cativo xogos inchables e disputaranse os campionatos de futbolín e chave por parellas. As inscricións para estes campionatos poderán realizarse na cantina do club ata o día 16 as 20.00 horas.
  • Pola noite seguirá a festa co grupo musical H&C dende as 21.30 as 3.00 horas.

24 jul. 2013

Presentación da "III Bandeira Reganosa"

Este martes 23 de xullo presentouse no salón de plenos do concello de Mugardos a "III Bandeira de Traíñas Reganosa" patrocinada por Reganosa e organizada polo Club do Mar de Mugardos e a Liga Galega de Traiñeiras.


Ó acto de presentación foi presidido por D. Carlos Vales (Director de Operacións de Reganosa), D. Xosé Barcia (Alcalde de Mugardos), Dª. Pilar Díaz (Responsable de Deportes) e D. Guillermo Pereira Coto (Presidente do Club do Mar de Mugardos).
O acto tamén acudiron representantes dos diferentes grupos políticos municipais.





Na regata, que se disputará o próximo domingo 28 de Xullo as 12.00 horas, competirán os oito equipos que conforman a Liga A da LGT: Chapela, Amegrove, Samertolomeu de Meira, Cabo da Cruz, Vilaxoán, A Cabana e C.R. Mecos. A regata percorrera unha distancia de 5556 metros divididos en 4 longos, dende o peirao de Mugardos ata o peirao carboeiro de Ferrol aproximadamente.


Ó rematar a regata as 13.30 horas, como ven sendo tradición, realizarase unha churrascada no Club do Mar para celebrar con tódolos socios e xiareiros esta nova edición da Bandeira do Club.

Documentación da III Bandeira Reganosa [PDF 4,9 MB]

22 jul. 2013

Trail Mugardos - Montefaro

O Club do Mar - Pulpeiros BTT organiza o vindeiro 8 de setembro a " I CARREIRA DE MONTAÑA MUGARDOS MONTEFARO" .

Esta nova actividade dun trail de montaña para a entidade realizase coa inestimable axuda de Trinity (Narón) que patrocina e colabora coa realización do evento.
O trail discorrerá por unha zona tan espectacular e fermosa como é a ría de Ferrol, repleta de corredoiras con incribles vistas ó mar.

O trail partirá dende o Pabillón Municipal do Cristo en Mugardos (como chegar) as 9.00 AM, realizándose a recollida de dorsáis hasta unha hora antes. A distancia do percorrido é de 23 KM, contando cun desnivel acumulado positivo de subida de 911 metros e negativo de baixada tamén de 911 metros, e o número de participantes esta limitado a 250. Tamén entregaranse dorsais de forma previa os días 6 e 7 de setembro en Trinity (como chegar).

O custe da inscrición será de 11€ por participante. O custe da churrascada posterior a proba será de 10€ (para os que se queiran quedar a comer) e poderase levar acompañantes aboando a mesma cantidade por persoa. A proba contará con servizo gratuíto de consigna, onde poder deixar mochilas ou prendas.

A inscrición rematará o día 4 de setembro para os que se queden a comer ou o 5 de setembro para o resto de participantes, tamén se cerrará a inscrición ó alcanzar os 250 participantes.

A participación na carreira inclúe: agasallo, duchas, servizo de consigna e avituallamento.


Para resolver calqueira duda pode poñerse en contacto con nos nos teléfonos 981 471 070 e 669 255 740 ou en Trinity Narón.

Durante a proba realizaranse fotografías e gravacións en vídeo do evento.



Test del trail [laszapatillasdel42.blogspot.com.es]

23 jun. 2013

Presentación da LGT 2013

Este sábado, 22 de Xuño, celebrouse en Santiago de Compostela, no centro comercial Area Central, a presentación da LGT para este ano 2013.


O acto comezou as 19.00 horas repetindo como presentador Terio Carrera e nel participaron D. Jose Juan Duran Hermida Presidente de Portos de Galicia, o Presidente da LGT D. Diego Portela e o Subdirector Xeral de Deportes D. Carlos Gómez Martínez. O acto tamén acudiron alcaldes e concelleiros dos pobos dos equipos participantes e entre eles o Concelleiro de Deportes de Mugardos D. Xosé Antón Bouza Rey.


A liga deste ano estará composta por 17 equipos (8 na Liga-A e 9 na Liga-B) destacando a incorporación do C.R. Cabo da Cruz B e a baixa de último hora do C.R. Muros por motivos económicos.

Despois da boa tempada realizada polo Club do Mar de Mugardos o obxetivo do Club e manter a categoría de cara o ano que ben, para seguir así na elite do remo galego.


A principal novidade da liga de este ano e a creación dunha liga feminina de trainerillas na que competirán sete equipos.


Galería Fotográfica da Presentación [49 fotos]

Faro de Vigo "Traineras listas para surcar las aguas" [21-06-2013]

Resultados Campionato Galego Outrigers 2013

Este pasado sábado, 22 de Xuño, celebrouse en Castrelo de Miño o "Campionato Galego de Outrigers" en categorías inferiores nos que os xoves remeiros do Club do Mar de Mugardos competiron nas categorías: 2X Infantil Feminino, 2X Alevín Masculino, 1X Infantil Feminino, 1X Infantil Masculino e 1X Cadete Feminino.

Os resultados acadados, entre os que destacan a prata no 2X infantil feminino e o bronce no skiff cadete feminino, foron os seguintes:

  • 2X IF: 2º Posto (Lupa e Vanessa).
  • 2X AM: 4º Posto (Brais e Raul).
  • 1X IF: 7º Posto (Marica).
  • 1X IM: 6º e 10º Posto (David e Adrián).

  • 1X CF: 3º Posto (Leticia).
Parabéns a todos eles polos resultados acadados.

Diario de Ferrol "Los clubes locales lograron más de veinte medallas en Castrelo do Miño" [25-06-13]

20 jun. 2013

Programa verán 2013


Actualizacion: O vindeiro martes 25 de Xunio de 18.30 PM a 20.00 PM
inscrición para a escola de verán do Club do Mar no local social da entidade.


Xuño e Xullo


  • Xogos Populares: Comezo do Torneo de Chave verán 2013. 
  • Deporte base: Escola de Remo de verán do Club do Mar de Mugardos.
  • Xogos populares: Remate do Torneo de chave “ Verán Club do Mar” coincidindo cas festas locais.
  • Bicicleta: O domingo 30 de xuño: Rota de BTT “Entre Dúas Rías 2013”.
  • Traíñas: Participación da Traíña do Club do Mar de Mugardos na 1ª división da Liga Galega de Traíñas. 
  • Festa e gastronomía: O 13 de xullo: Festa do Polbo, no peirao de Mugardos, posto de venda de polbo, empanada e produtos promocionais do Club. 
  • O 28 de xullo, III Bandeira de Traíñas” REGANOSA” Liga Galega de Traíñas, dende ás 12 h. no peirao. Ás 14 h. churrascada popular e navallas á plancha diante do Club do mar.

Agosto


  • Deporte base: Escola de Remo de verán do Club do Mar de Mugardos.
  • Traíñas: Participación da Traíña do Club do Mar de Mugardos na 1ª división da Liga Galega de Traíñas.
  • O 25 de agosto, sábado, “IV FESTA DE VERÁN DO CLUB DO MAR”:
    Ás 9,30h.: III Rota de BTT “ Verán Club do Mar”.Maiores de 6 anos. Saída e chegada ao Club do Mar.
    Dende as 13 h. diante do Club: Churrasco e navallas á plancha cachelos, pan e viño, ata rematar existencias. Amenizado por grupo de música.
    Ás 17 h. comezo dos xogos populares (cucaña e tirada de corda) e deportivos.
    Dende as 20 h. música e festa ata estoupar!.

2 jun. 2013

Correspondencia co Alcalde de Mugardos

O pasado 9 de Maio, con número de entrada de rexistro 2555 no Concello, a directiva desta entidade fíxolle entrega o Alcalde de Mugardos, Don Xosé Fernández Barcia, dun escrito onde a sociedade expresaba o seu rexeitamento do trato do concello cara ela ante a insuficiencia das axudas económicas e a falta de Convenio de Escolas Deportivas dende a convocatoria 2011/2012.

O escrito na súa totalidade pode lerse a continuación:

Enlace ó arquivo

O día 24 de Maio o alcalde respondía o Club do Mar co seguinte escrito:

Enlace ó arquivo

10 may. 2013

Ruta BTT EDR 2013

Outro ano máis, xa estamos aquí coa sétima edición da "Entre Dúas Rías". Comeza a travesía dunha ruta que navega entre dúas rías excepcionais e entre os Concellos de Mugardos e Ares. Descubrirás unha zona incrible cunhas corredoiras desde as que terás unhas vistas ó mar impresionantes.
O día 30 de xuño a ruta partirá dende o Pavillón municipal do Cristo (Mugardos) ás 09:00 a.m. dende donde iniciaremos un percorrido de 54 km, por carreiros que seguro gustaranvos.
Como chegar o pavillón dende a AP-9.
Na inscrición deste ano chegaremos hasta os 350 participantes.

A inscrición ten un custe de:

  • Non federados 19€ (7€ inscripción + 12€ de licencia por un día).
  • Federados 7€ (é necesario especificar a qué club pertences e o número de licencia) 

O prezo da comida para os participantes que queiran quedarse é de 10€, e para os acompañantes 11€ por persoa.

Formulario de alta.
Formulario para comprobar a inscrición.


Gráfica da proba

8 abr. 2013

II Premio Estudo e Deporte

É unha iniciativa do IES Mugardos en colaboración co Concello de Mugardos, o Club do Mar de Mugardos, a SDC Galicia de Mugardos e a ANPA O Castro para premiar aos estudantes do centro que mellor se desenvolven nos aspectos social, deportivo e académico.
Trátase poñer en valor aos xoves con habilidades sociais capaces de organizarse e de programar o seu tempo con eficacia para render positivamente nos estudos e na actividade física.

OBXECTIVOS

  • Premiar e valorar o esforzo dos estudantes-deportistas do IES Mugardos.
  • Potenciar as actividades deportivas.
  • Mellorar o rendemento escolar.
  • Incentivar valores sociais, deportivos e académicos.
  • Integrar os ámbitos escolar e deportivo. 

PARTICIPANTES


Alumnado do IES de Mugardos que practica deportes ou actividades deportivas ou actividades físicas regulamentadas, individuais ou colectivas, coa supervisión dun adestrador ou adestradora.

Será necesario que a entidade deportiva na que o alumna ou alumna  desenvolva a súa actividade, estea disposta a participar nesta iniciativa.

PREMIOS

  • Haberá dous premios -feminino e masculino- por categoría. En caso de empate decide á maior puntuación no rendemento académico.
  • Os premios consistirán en diploma, trofeo e dotación económica e vale para uso do complexo acuático O Castro durante un mes. 
  • Os premios entregaranse no acto cultural de remate do curso 2012-2013 no IES Mugardos.


1 abr. 2013

Resultados no "Rias Baixas Bike Race"

Este pasado fin de semana (do 29 a 31 de Marzo) disputouse o "Rias Baixas Bike Race" tres duros dias de competición con 169 km de percorrido, proba pertencente o Campionato Galego de BTT, na que o Club do Mar rematou sétimo na clasificación xeral por equipos.


As clasificacións individuais foron as seguintes:

  • Guillermo Filgueiras 33  na xeral, 13 na categoría Elite.
  • Fermín Leira 36  na xeral, 14 na categoría Master 30.
  • Yago Seijo 63  na xeral, 29 na categoría Master 30.

Con participación na carreira de Tomiño:
  • Roberto Leira 129 na xeral, 26 na categoría Master 40.
  • Dani Galdo 130 na xeneral, 27 en categoría Master 40.



Diario de Ferrol "Pulpeiros y CC As Pontes, en la Bikerace Rías Baixas" [01/04/2013]

16 mar. 2013

Homenaxe no Club do Mar de Mugardos

O próximo domingo 24 de marzo, ás 13.00 hh. no local social do Club do Mar levarase acabo unha homenaxe ós principais impulsores e remeiros nos inicios do Club do Mar.


Homenaxeados:
  • Luís Dieste Bastida, e Gabriel Sánchez Fernández, en recoñecemento á súa adicación, esforzo e traballo na Sociedade, fomentando o deporte, a cultura e as tradicións no noso Pobo.
  • Juan Carnero Domenech, e Álvaro González García, en lembranza dos Campionatos de España de Bateis acadados no ano 1963 e 1966.
  • Pedro Cortizas Teijeiro, Juan Cartelle Roca e Antonio Pereira Rodríguez, en lembranza do Campionato de España de Bateis acadado no ano 1963.
  • Juan Alfonso Prados Maceiras, Juan Robatto Espiñeira, e Plácido Martínez Martínez, en lembranza do Campionato de España de Bateis acadado no ano 1966.
O acto están convidados tódolos socios e afeccionados do Club do Mar de Mugardos.



[Actualización 27-04-2013]



Galería fotográfica da homenaxe
(Fotos cortesía Emma Plana Basteiro)

25 feb. 2013

Convocatoria de xuntas xerales o día 10 de marzo de 2013


Club do Mar de Mugardos
R/Cantón de Cora Nº16
15620 Mugardos (A Coruña)
TLF. E FAX: 981 470170

CONVOCATORIA DE XUNTA XERAL ORDINARIA DE SOCIOS/AS

De conformidad co acordo da Xunta Directiva celebrada o pasado 15 de febreiro de 2013, convócase Xunta Xeral Ordinaria de Socios/as do CLUB DO MAR DE MUGARDOS, para a súa celebración en Mugardos, na Cantina do Club do Mar, situado na Rúa Cantón de Cora, Núm. 16, O VINDEIRO 10 DE MARZO DE 2012 ás 11.00 horas, en primeira convocatoria; e ás 11.30 horas en segunda convocatoriae, co gallo de deliberar e adoptar acordos sobre os asuntos incluidos na seguinte 

ORDE DO DÍA 
  1. Lectura e aprobación da acta anterior, se procede.
  2. Informe deportivo e de actividades do ano 2012.
  3. Informe económico do ano 2012.
  4. Situación actual do club e proxectos para a tempada 2013.
  5. Aprobación de pago das cuotas de socio trimestralmente.
  6. Rogos e preguntas.

CONVOCATORIA DE XUNTA XERAL EXTRAORDINARIA DE SOCIOS/AS

A directiva do Club do Mar de Mugardos convoca Xunta Xeral Extraordinaria de Socios/as do CLUB DO MAR DE MUGARDOS, para a súa celebración en Mugardos, na Cantina do Club do Mar, situado na Rúa Cantón de Cora, Núm. 16, O VINDEIRO 10 DE MARZO DE 2013 ó remate da xunta ordinaria previa, co motivo da adaptación dos estatutos do club o novo marco xurídico.


Mugardos, a 25 de febreiro de 2013.
O PRESIDENTE

Asdo. Don Guillermo Pereira Coto

17 feb. 2013

Resumo da Regata de Bateis de Mugardos 2013

Este sábado, 16 de Febreiro, disputouse en Mugardos a regata de bateis correspondente a liguilla das zonas de Ferrolterra e Coruña. Cun tempo inmellorable para a ocasión con ceos maioritariamente despexados e co aliciente de ver a saída do buque escola J.S. Elcano durante a regata a competición puido ser disfrutada polo amplo público presente.



Os tempos foron os seguintes:

  • Regata Promoción
Baliza
Club
Tempo
3
Mugardos Fem.
2'36
2
Ares Masc.
2'54
1
Mugardos Masc.
3'01
4
Ares Fem.
3'02
5
Narón Masc.
3'16
6
Perillo Masc.
3'21

  • Promesas Feminino
Baliza
Club
1ª Virada
Tempo
5
Cabana A
2'21
4'41''82
2
Perillo
2'14
4'49''02
4
Mugardos
2'14
4'55''34
1
Narón
2'21
5'02''46
3
Cabana B
2'45
5'56''97

  • Xuvenil/Senior Feminino
Baliza
Club
1ª Virada
2ª Virada
3ª Virada
Tempo
2
Cabana B
2'08
4'33
6'49
9'12''09
5
Ares A
2'02
4'35
6'56
9'26''00
1
Cabana A
2'08
4'38
7'07
9'28''84
3
Ares B
2'15
4'53
7'21
9'52''00
4
Mugardos
2'13
4'52
7'21
9'59''35

  • Infantil masculino
Baliza
Club
1ª Virada
Tempo
2
Cabana A
2'05
4'25''83
4
Ares
2'07
4'32''99
1
Mugardos
2'14
4'51''66
1
Narón
2'17
4'52''93
2
Cedeira
2'15
4'57''18
3
Perillo
2'21
5'12''12
3
Cabana B
2'25
5'13''03

  • Cadete masculino

    Baliza
    Club
    1ª Virada
    2ª Virada
    Tempo
    2
    Ares
    2'08
    4'26
    6'40''60
    3
    Cabana
    2'08
    4'26''
    6'43''16
    1
    Perillo
    2'09
    4'25
    6'43''38
    1
    Perillo B
    2'21
    4'45
    7'13''70
    3
    Cabana B
    2'17
    4'44
    7'20''65
    2
    Cedeira
    2'08
    4'25
    7'46''05

  • Xuvenil masculino
Baliza
Club
1ª Virada
2ª Virada
3ª Virada
Tempo
1
Perillo B
2'03
4'16
6'32
8'38''18
3
Narón
2'06
4'24
6'47
8'57''54
2
Perillo A
2'08
4'27
6'49
8'59''49

  • Senior masculino
Baliza
Club
1ª Virada
2ª Virada
3ª Virada
Tempo
3
Mugardos A
2'02
4'04
6'19
8'15''62
4
Marítimo de Ferroltera
2'06
4'13
6'27
8'25''08
3
Mugardos C
2'06
4'13''
6'27
8'25''33
1
Narón A
2'07
4'11
6'32
8'37''71
2
Perillo
2'11
4'17
6'34
8'38''21
2
Perillo B
2'17
4'11
6'32
8'58''63
1
Narón B
2'20
4'33
7'02
9'08''67
4
Cabana
2'20
4'46
7'21
9'38''35
5
Mugardos B
Abandono





Galería fotográfica da regata [106 fotos]

Diario de Ferrol "Triunfo de A Cabana y de Mugardos en aguas locales" [19/02/2013]